Ռումինիան դեմ է Եվրոպայում միջուկային հրթիռների տեղակայմանը
ԵՄ-ում նախագահող Ռումինիայի ԱԳ նախարար Թեոդոր Մելեշկանուն ՄՓՀՀՊ-ից ՌԴ-ի եւ ԱՄՆ-ի դուրս գալու մտադրության մասին հայտարարություններից հետո դեմ է արտահայտվել Եվրոպայում միջուկային հրթիռների տեղակայմանը:
«Եթե Մոսկվան երկխոսություն չի ցանկանում, մենք ստիպված ենք համապատասխան միջոցներ ձեռնարկել: Սակայն Եվրոպայում միջուկային հրթիռների տեղակայումը հաստատապես վատ պատասխան կլիներ: Ես նման բան չեմ կանխատեսում, այդ թվում նաեւ Ռումինիայում», - Welt թերթին ասել է Մելեշկանուն:
Նրա խոսքով՝ Ռումինիան մտահոգված է նրանով, որ ամերիկացիները ցանկացել են դուրս գալ ՄՓՀՀՊ-ից, բայց դեռ կես տարի կա, մինչեւ որ դուրս գալու հայտարարությունն ուժի մեջ կմտնի:
«Ես Ռուսաստանին կոչ եմ անում անել ամեն ինչ Միջին եւ փոքր հեռահարության հրթիռների վերացման պայմանագրի կանոնները նորից հարգելու եւ համաձայնագիրը պահպանելու համար», - ասել է նախարարը:
Ավելի վաղ ԱՄՆ նախագահ Դոնալդ Թրամփը հայտարարել էր, որ Վաշինգտոնը փետրվարի 2-ին սկսում է Ռուսաստանի հետ կնքված Միջին եւ փոքր հեռահարության հրթիռների վերացման պայմանագրից դուրս գալու գործընթացը, հաղորդում է «ՌԻԱ Նովոստին»:
ՌԴ նախագահ Վլադիմիր Պուտինը փետրվարի 2-ին հայտնել էր, որ ՌԴ-ն հայելային կպատասխանի ՄՓՀՀՊ-ից դուրս գալու Վաշինգտոնի որոշմանը եւ նույնպես դադարեցնում է իր մասնկացությունը պայմանագրին:
Նա նշել էր, որ Ռուսաստանը չպետք է եւ չի ներքաշվի Մոսկվայի համար ծախսատար սպառազինությունների մրցավազքին: Պուտինը նաեւ հավելել էր, որ զինաթափման վերաբերյալ ՌԴ-ի «բոլոր առաջարկները մնում են սեղանին եւ դռները բաց են», սակայն պահանջել էր այսուհետ այդ խնդրով բանակցություններ չնախաձեռնել:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Գարեգին Երկրորդի եղբոր կալանքը 2 ամսով երկարաձգվեց
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Իրանում վերականգնվել է ինտերնետային կապը
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...