Գիտնականները սարք են ստեղծել, որով արագ ախտորոշում են մանրէական ինֆեկցիաները
ԱՄՆ գիտնականները մանրէական ինֆեկցիաները արագ ախտորոշող սարք են ստեղծել։
Մանրէների հայտնաբերման ժամանակակից մեթոդները պահանջում են առնվազն մի քանի օր, որի ընթացքում սնուցվող միջավայրում ցանքս արված մանրեները «աճում են»։ Բացի այդ ճշգրիտ արդյունքների համար անհրաժեշտ է ստերիլություն եւ որոշակի ջերմություն եւ ճնշում։ Բոլոր այս պայմանները կարելի է պահպանել լաբորատորիաներում, սակայն զարգացող երկրներում, կամ աշխարհի հեռավոր անկյուններում, երբեմն դա խնդրահարույց է։
Մասնագետների խումբը ստեղծել է դյուրակիր ախտորոշիչ սարք, որն աշխատում է մարտկոցով։ Կոշիկի տուփի մեծության սարքը հնարավորություն է տալիս ախտորոշում իրականացնել դաշտային պայմաններում, սեղմ ժամկետներում։ Այն իրականացնում է ռեկոմբինատ պոլիմերազային ամպլիֆիկացիա, որը պոլիմերազային շղթայական ռեակցիայի (ՊՇՌ) այլընտրանքն է, ինչը թույլ է տալիս բառացիորեն մի քանի րոպեում մեծացնել գենետիկ նյութի քանակությունը։
Սարքի մեջ օգտագործվում է փոսիկներով փոխովի քարթրիջ, որը թույլ է տալիս միաժամանակ 16 հիվանդություն ախտորոշել։
Ռեակցիան կարող է գնալ նաեւ սենյակային ջերմաստիճանում, բայց ամենից լավն ընթանում է 37–42 °С –ի տակ։ Անհրաժեշտ քանակության դառնալուց հետո, մանրէների վրա փորձարկում են անտիբիոտիկը եւ ընտրում այն մեկը, որի նկատմամբ մանրէն չունի կայունություն։
Հետազոտողները փորձարկել են սարքավորումը մանրէների մի քանի շտամերի վրա եւ ստացել են բավարար արդյունքներ։ Բացի այդ, նրանք գտնում են, որ իրենց սարքը օգտակար կլինի նաեւ քիմիաթերապիայում էֆեկտիվ լուծումներ փնտրելու համար։
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Մահացել է Երևանի նախկին քաղաքապետ Ռոբերտ Նազարյանը
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Հունվարի 27-ը Հայրենիքի պաշտպանության համար զոհվածների հիշատակի օրն է
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...
Ժամանակավորապես կդադարեցվի հետևյալ հասցեների էլեկտրամատակարարումը
17-ամյա Աննա Զաքարյանը որոնվում է որպես անհետ կորած