Ստեղծվել է արհեստական ցանցաթաղանթ, որը տեսողություն կպարգեւի միլիոնավոր մարդկանց
Իտալիայի տեխնոլոգիաների համալսարանի գիտնականները մշակել են աչքի ցանցաթաղանթի իմպլանտատ, որի օգնությամբ նրանց հաջողվել է տեսողություն վերադարձնել առնետներին։ Գիտնականները նախատեսում են մարդկանց վրա փորձարկումները սկսել արդեն այս տարի։ Պատվաստը, որը փոխակերպում է լույսը ցանցաթաղանթի նեյրոնները խթանող էլեկտրական ազդանշանների, հույս կտա միլիոնավոր մարդկանց, ովքեր տառապում են ցանցաթաղանթի դեգեներացիայով՝ ներառյալ պիգմենտային ռետինիտը, որի ժամանակ խանգարվում է լուսաընդունիչների աշխատանքը, ինչը բերում է կուրության։
Իմպլանտը կազմված է էլեկտրահաղորդիչ պոլիմերի բարակ շերտից, որ տեղադրված է մետաքսի վրա հիմնված սուբստրատի վրա եւ կիսահաղորդիչ պոլիմերի արտաքին ծածկույթից։ Աշխատանքի արդյունքների մասին գիտնականները պատմել են Nature Materials ամսագրում։
Նորույթը ստուգելու համար, գիտնականները արհեստական ցանցաթաղանթը պատվաստել են ցանցաթաղանթի քայքայումով առնետներին։ Վիրահատությունից երեսուն օր անց հետազոտողները փորձարկել են դրանց զգայունությունը լույսի նկատմամբ՝ առողջ առնետների համեմատությամբ եւ նույն գենետիկ հիվանդությամբ առնետների համեմատությամբ, ովքեր բուժում չեն ստացել։ Լույսի մեկ լյուքս պայծառության դեպքում՝ մի քիչ ավելի վառ, քան լիալուսնի ժամանակ է, արհեստական ցանցաթաղանթով առնետների տեսողությունը առանձնապես չէր տարբերվում հիվանդ առնետներից։ Իսկ արդեն 4-5 լյուքսի դեպքում, ինչպես մթնշաղի ժամանակ է լինում, պատվաստված առնետների բիբերը այնպես էին արձագանքում, ինչպես առողջ առնետներինը։
Պատվաստը էֆեկտիվ աշխատել է նաեւ վիրահատությունից տասն ամիս հետո, չնայած առնետների երեք խմբի մոտ էլ տեսողությունը մի քիչ վատացել էր տարիքային փոփոխությունների պատճառով։
«Մենք հույս ունենք մարդկանց վրա նույնպես ստանալ այսպիսի հրաշալի արդյունք, ինչպիսին կենդանիների դեպքում ենք ստացել։ Մարդկանց վրա առաջին փորձարկումները մենք նախատեսում ենք սկսել այս տարվա երկրորդ կեսին, իսկ 2018–ին արդեն կունենանք նախնական արդյունքները։ Այս պատվաստի օգտագործումը ցանցաթաղանթի ծանր հիվանդությունների բուժման շրջադարձային կետ կարող է դառնալ»,– ասում է հետազոտողներից մեկը՝ ակնաբույժ Գրացիա Պերտիլեն։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Նիդերլանդները հրաժարվել է մասնակցել «Եվրատեսիլ 2027»-ին
Հայաստանի ըմբշամարտի հավաքականը նվաճեց առաջին մեդալը
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Բրազիլիայի նախագահի թեկնածուն լքել է երկիրը ընտրություններում պարտվելուց հետո
Էլեկտրաէներգիայի ընդհատումներ կլինեն Երևանում և մարզերում
Նիդերլանդների Թագավորության արտաքին գործերի նախարարն այցելել է Moon Rose ջերմոցային տնտեսություն
Դատարանի շենքից փախուստի դիմած կալանավորը հայտնաբերվել և ձերբակալվել է. ՆԳՆ