Հոգեբանները պարզել են ընտանիք կազմելու համար լավագույն տարիքը

Բուհն ավարտելուց հետո եւ մինչեւ 26 տարեկանը, պարզվում է, ամենահաջող ժամանակն է ընտանիք կազմելու համար: Նման եզրահանգման են եկել ամերիկյան Սոլթ Սեյք Սիթիի University of Utah-ի մասնագետները:

Հոգեբաններին հաջողվել է հետաքրքիր օրինաչափություն պարզել. մարդիկ, որոնք ամուսնանում են մինչեւ 23 տարեկանը, բավական հաճախ են ամուսնալուծվում, իսկ ահա նրանք, ովքեր հարաբերություններն օրինականացնում են բարձրագույն կրթություն ստանալուց հետո, հակառակը, 37%-ով ավելի ամուր ընտանիք են կազմում:

Նշվում է, որ հարաբերություններն ավելի լավ են զարգանում այն զույգերի մոտ, որոնք ամուսնանալուց առաջ երկար ժամանակ՝ ավելի քան 2-3 տարի հանդիպում են:

Լրագրող Բրայան Քրիստիանի համոզմամբ՝ դա կապված է այն հանգամանքի հետ, որ համալսարանն ավարտելուց առաջ երիտասարդները դեռեւս հոգեպես պատրաստ չեն ընտանեկան կյանքին: Հենց 22-23 տարեկանում է նրանց մոտ մեծանում պատասխանատվության, կրթվածության մակարդակը, նրանք սկսում են պատասխանատվություն կրել սեփական աշխատավարձի եւ ապահովվածության համար:

Մյուս կողմից՝ հոգեբանները խորհուրդ չեն տալիս ձգձգել ամուսնությունը: Աղջկան հարկավոր է ամուսնության առաջարկ անել նրա 26 տարին լրանալուց հետո. այդ ժամանակ, ըստ գիտնականների, նա ճնշում չի զգում հարազատների եւ ծանոթնների կողմից ու կարող է արագորեն հարմարվել նոր՝ ընտանեկան կյանքին:

news.am