Ինչպես Նիկոլ Փաշինյանը յուրայինների մեջ դարձավ ոչ օտար. «Կոմերսանտ»-ի անդրադարձն ԱՊՀ գագաթնաժողովի «գլխավոր իրադարձությանը»
Ռուսական «Կոմերսանտ» պարբերականի հատուկ թղթակից Անդրեյ Կոլեսնիկովը սեպտեմբերի 28-ին Դուշանբեում անցկացված ԱՊՀ գագաթնաժողովի գլխավոր իրադարձություն է համարել այն մի քանի րոպեն, որը միասին են անցկացրել Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը լուսանկարվելու արարողությանը գնալիս:
Գագաթնաժողովում բոլորը յուրային են, բոլորը բոլորին ճանաչում են, գրում է նա: Միգուցե նրանք դեռ չեն ընտելացել ՀՀ նոր վարչապետին, սակայն նա էլ նրանց մեջ այդքան օտար չէր թվում, հավելում է հոդվածագիրը:
Կոլեսնիկովը գրում է, որ երբ ԱՊՀ երկրների ղեկավարները գնալիս են եղել լուսանկարվելու, առջևից գնացել են Ռուսաստանի, Տաջիկստանի և Ղազախստանի նախագահները: ՀՀ վարչապետը հետևել է նրանց հեռավորության վրա: Այդ ընթացքում Իլհամ Ալիևը քայլելով հասել է Նիկոլ Փաշինյանին ու սկսել զրուցել նրա հետ և ոչ այն պատճառով, որ պարզապես կողք կողքի լուռ քայլելն անհարմար էր, այլ այն պատճառով, որ Իլհամ Ալիևն ասելիք ուներ, իսկ Փաշինյանը՝ լսելիք:
Նրանք այնքան են տարվել խոսելով, որ անգամ արարողության ժամանակ այբբենական կարգով կողք կողքի կանգնելուց հետո էլ շարունակել են զրուցել:
Ինչպես գրում է հոդվածի հեղինակը, այդ մի քանի րոպեի ընթացքում կարելի է ավելի շատ բանի մասին պայմանավորվել, քան 1.5 ժամ տևած երկկողմ պաշտոնական հանդիպման ժամանակ, որը, ի դեպ, այժմ միգուցե սարերի հետևում չէ:
Իսկ գագաթնաժողովից հետո Նիկոլ Փաշինյանը մոտեցել է Վլադիմիր Պուտինին, և նրանք 5-6 րոպե ինչ-որ բան են քննարկել դեմառդեմ: Ի դեպ, Պուտինն ավելի տարված է եղել զրույցով, քան ՀՀ վարչապետը:
«Տեսնենք, թե հետո ինչ կլինի»,-գրում է Անդրեյ Կոլեսնիկովը:
Հիշեցնենք, որ Նիկոլ Փաշինյանը երեկ հայտարարել է, որ Իլհամ Ալիևի հետ ձեռք են բերվել պայմանավորվածություններ՝ հրադադարի ռեժիմի խախտումները կանխելու վերաբերյալ:


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Այս երկու կազմակերպություններին անդամակցելը անհամատեղելի է