Հայաստանում տեղի ունեցող փոփոխությունները՝ հզոր առաջընթաց է.ԵՄ պատվիրակության ղեկավար
Եվրամիության կողմից Հայաստանում տեղի ունեցող վերջին ամիսների փոփոխությունները որակվում ենորպես հզոր առաջընթաց: Բացի այդ ԵՄ-ն նկատում է, որ Հայաստանի նոր կառավարության համար կարևոր են նոր առաջնահերթությունները, որոնք լծակ են առևտրի ոլորտում նոր հարաբերություններ ստեղծելու համար: Այս մասին այսօր Երևանում հրավիրված ԵՄ-Հայաստան գործընկերության կոմիտեի առևտրի հարցերով առաջին նիստում ասաց Հայաստանում ԵՄ պատվիրակության ղեկավար, դեսպան Պյոտր Սվիտալսկին:
«Մասնավորապես, ես խոսում են կոռուպցիայի դեմ պայքարի մասին: Կոռուպցիան ամենուր է խնդիր ներդրողների համար: Դրա հաղթահարումը Հայաստանին երաշխիք կտա, որ Եվրամիության գործընկերները ավելի շահագրգռված լինեն ու բիզնես հիմնեն Հայաստանում»,- ասել նա:
Երկրորդ կարևոր ուղղությունը՝ դատաիրավական համակարգի անկախության ապահովումն է:
«Դա հզոր գործիք է և ներդրողին ապահովության զգացողության հնարավորություն է տալիս: Մենք կարծում ենք՝ այն առաջնահերթությունները, որոնք դրել է Հայաստանի նոր կառավարությունը, ներկայում բավարարում են ատևտրի և ներդրումների ոլորտում զարգացման շահերին: Ներկայիս կառավարությունը հրաշալի գիտի ինչ անել, դա հնարավորութուն կտա ունենալ ավելի լավ պոտենցիալ: Մենք կուզեինք այս երկրում ավելի շատ եվրոպական ներդրում տեսնել: Դա չի նշանակում, որ փողի հոսքն է ավելանալու դեպի Հայաստան: Ոչ, փողը երկրորդ հարցն է, նույնիսկ ավելի հետին պլանի: ԵՄ ներդրումը բերում է գիտելիքներ, տեխնոլոգիա, կառավարման մշակույթ, ավելի լավ կամուրջների ստեղծում համաշխարհային զագացման հետ»,- հավելեց ԵՄ դեսպանը:
Եվ չնյած այն բանի, որ երկկողմ առևտրային հարաբերությունները զարգանում են, բայց, ըստ դեսպանի, դրանք դեռևս զարգացման ներուժ ունեն: Նա նշեց, որ ԵՄ-ն քայլեր է անում՝ ընդլայնելու Հայաստանի համար GSP+ առևտրային արտոնյալ ռեժիմը: Հայաստան-ԵՄ համաձայնագրով, նրա խոսքով, կան առևտրի ազատականացման համար հատուկ դրույթներ: Բայց դրա համար Հայաստանը նախ պետք է բարելավի իր օրենսդրությունը, ավելի լավ հնարավորություններ ստղծի ներդրողի համար, բարեփոխումներ արվեն պետական գնումների, սպառողների շահերի պաշտպանության ոլորտներոմ: Դրանք ԵՄ կողմից առաջարկվում են և, նրա խսքով, կլինեն համաձայնագրի իրականացման առանցքում: