Ոսկեզօծ Lamborghini-ն իրարանցում է առաջացրել

Պակիստանի մայրաքաղաք Իսլամաբադում 18 կարատ քաշով ոսկով ծածկված Lamborghini Aventador S-ը իրարանցում է առաջացրել, հայտնում է Gulf News-ը:

Այս շքեղ ավտոմեքենան ներմուծվել է Մեծ Բրիտանիայից եւ տիրոջ վրա արժեցել է 1,5 մլն դոլարից ավելի: Ավտոմեքենան պատկանում է անշարժ գույքի մագնատ Կունվար Մոեզ Խանին, որը ավտոմեքենայի լուսանկարները հրապարակել է Facebook-ի իր էջում: Նա հրապարակել է նաեւ ավտոմեքենայի նավահանգիստ ժամանելու հոլովակը:

Խանի ծանոթները նրան շնորհավորել են եւ հետաքրքրվել, թե ինչպիսին կլինի նրա հաջորդ մեքենան:

Lamborghini ընկերության պաշտոնական կայքում նշված է, որ ավտոմեքենան ունի 6,5-լիտրանոց V12 մթնոլորտային շարժիչ: