«Սա առաջին դեպքը չէ». Կամո Արեյանը՝ նոր քաղաքապետի հետ աշխատելու հնարավորության մասին

Իրադարձություններից առաջ մի ընկեք, ամեն ինչ ընթանում է օրենսդրությամբ սահմանված կարգով: Այս մասին, այսօր՝ օգոստոսի 22-ին, Հայ-չինական դպրոցի բացման արարողության ժամանակ, լրագրողների հետ զրույցում նշեց ՀՀ քաղաքապետի պաշտոնակատար Կամո Արեյանը՝ անդրադառնալով հարցին, թե պատկերացնո՞ւմ է իր աշխատանքը նոր քաղաքապետի հետ:

«Արդեն որոշված է ընտրության օրը, ամեն ինչ կլինի օրենքով: Ինչ վերաբերում է իմ զգացողությանը, ապա սա առաջին դեպքը չէ»:

Ինչ վերաբերում է կոնկրետ «Քաղաքացիական պայմանագիր» կուսակցության կողմից քաղաքապետի թեկնածու Հայկ Մարությանին, Կամո Արեյանն ասաց. «Իմ պատկերացումներն իմ անձնական տեսլականն ու գաղտնիքն են: Հայկ Մարությանի վերաբերյալ որեւէ բան չունեմ ասելու: Որեւէ գնահատական չեմ կարող տալ այդ մարդուն: Մարդն ունի իր որակական հատկությունները եւ կոռեկտ չէ որեւէ գնահատական տալ որեւէ անձի, որեւէ թեկնածուի: Իմ ցանկությունները մի քչփորեք, դա իմ անձնական գաղտնիքն է, իմ անձնական որոշումն է:

Ես չարամիտ մարդ չեմ, մեծահոգի եմ, սիրում եւ պաշտում եմ իմ երկիրը: Ես ժլատ ու փոքրոգի չեմ, ամեն ինչ կտամ մարդկանց, որ ամեն ինչ լինի ավելի լավը, քան ես էի անում»:

Լուրեր Հայաստանից - NEWS.am