«Ելք» և «Ծառուկյան» խմբակցությունները չեն մասնակցի ՍԴ դատավորի ընտրության քվեարկությանը
Այսօր Ազգային ժողովում տեղի կունենա Սահմանադրական դատարանի դատավորի ընտրությունը։
Նախքան քվեարկությունն այսօր Ազգային ժողովում «Ելք» խմբակցության պատգամավոր Էդմոն Մարուքյանը հայտարարեց, որ իրենց խմբակցությունը որոշել է չմասնակցել քվեարկությանը։
«Հաշվի առնելով երեկվա հարցուպատասխանը Սահմանադրական դատարանի դատավորի թեկնածուի հետ, նաև հաշվի առնելով մի շարք մտահոգություններ քաղհասարակության մարմինների կողմից, «Ելք» խմբակցությունը որոշել է չմասնակցել Սահմանադրական դատարանի դատավորի ընտրությանը, որի արդյունքում հուսով ենք դատավորը չի ընտրվի», - ասաց պատգամավորը։
«Ծառուկյան» խմբակցությունը ևս հայտարարեց, որ չի մասնակցի այդ քվեարկությանը։
«Ծառուկյան դաշինքը ևս հաշվի առնելով այն, որ դատավորի թեկնածուն որևէ հարցի հստակ պատասխան չտվեց, հաշվի առնելով այն, որ մենք չտեսանք, թե թեկնածուն կարող է ունենալ սեփական կարծիք լրջագույն խնդիրների վերաբերյալ, կարող է ունենալ մասնագիտական խիզախություն և համարձակություն՝ պաշտպանելու իր տեսակետը, իր կարծիքը, եթե անգամ այն տարբերվող է, «Ծառուկյան» դաշինքը ևս չի մասնակցելու այդ քվեարկությանը», - ասաց խմբակցության պատգամավոր Նաիրա Զոհրաբյանը։
Նշենք, որ Սահմանադրական դատարանի դատավորի թեկնածուն մեկն է՝ Դատավորների ընդհանուր ժողովի կողմից առաջադրված Ելիզավետա Դանիելյանը։
Դանիելյանին ՍԴ դատավոր ընտրվելու համար անհրաժեշտ է խորհրդարանի անդամների առնվազն երեք հինգերորդի, այսինքն՝ 63 պատգամավորի կողմ քվե։ Ընտրությունը կկայանա այսօր ժամը 11։00-ին՝ փակ գաղտնի ընթացակարգով։
Երեկ հարցուպատասխանի ժամանակ Էդմոն Մարուքյանն իր եզրափակիչ ելույթում հայտարարեց, որ իրենց հուզող հարցերը մնացին անպատասխան։


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Ոչ սթափ ղեկին մի նստի՛ր (տեսանյութ)
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...