ԿԳՆ-ում լայն թափով ստուգումներ են ընթանում
«Ժողովուրդը» գրում է. ««Ժողովուրդ» օրաթերթի տեղեկություններով՝ Կրթության և գիտության նախարարությունում այժմ լայն թափով ստուգումներ են ընթանում: Ընդ որում, մենք տեղեկացանք, որ ստուգումներն ավելի շատ վերաբերում են ՀՀԿ-ական Արմեն Աշոտյանի՝ նախարար աշխատած տարիներին, և փորձ է արվում վեր հանել հենց այդ ժամանակվա թերությունները և պարզել, թե ինչ չարաշահումներ են եղել ՀՀԿ-ական նախարարի օրոք:
ՀՀ կրթության և գիտության նախարար Արայիկ Հարությունյանը, մանրամասներ չհայտնելով, հաստատել է, որ նախարարությունում ակտիվ ստուգումներ են և նաև այդ տարիներին վերաբերող: Սակայն մեր տեղեկություններով՝ ստուգումներն այսքանով չեն ավարտվելու, և առաջիկայում այդ կառույցում ստուգումներ կիրականացնի նաև Պետական վերահսկողական ծառայությունը: Երեկ «Ժողովուրդ» օրաթերթի հետ զրույցում ծառայության պետ Դավիթ Սանասարյանը նշեց, թե այս պահի դրությամբ ոչ մի ստուգում չեն արել, քանի որ դեռ իրավասություն չունեին, բայց չհերքեց, որ նախարարությունն առաջնահերթություններից մեկն է լինելու»,-գրում է թերթը:
Մանրամասները՝ թերթի այսօրվա համարում: