«Շիրակը» պատրաստվում է բողոքարկել ՀՖՖ որոշումը
Գյումրիի «Շիրակ» ֆուտբոլի ակումբը պատրաստվում է բողոքարկել Հայաստանի ֆուտբոլի ֆեդերացիայի կարգապահական կոմիտեի կայացրած որոշումը, որի պատճառով թիմից կարող են հանել 12 միավոր եւ զրկել չեմպիոնի կոչումը նվաճելու հնարավորությունից:
«Ի պատասվան ՀՖՖ կարգապահական կոմիտեի նախագահ Ռուբեն Սինոյանի հայտարարությանը՝ ցանկանում ենք ևս մեկ անգամ կրկնել, որ «Շիրակ» ակումբը տեղյակ չի եղել ակումբի աշխատակցի գործողություններից։ Արարատ Հարությունյանը փորձ է արել պայմանավորվածություն ձեռք բերել, և հարց է թե ում նախաձեռնությամբ, «Բանանց» – «Շիրակ» հանդիպման ելքի վրա ազդելու, սակայն այն ոչնչով չի ավարտվել։ «Շիրակի» բոլոր 48 միավորները թիմի ֆուտբոլիստների, մարզիչների քրտինքով արժանվույն վաստակած են։
Նշենք նաև, որ Կարգապահական կոմիտեի նիստին «Շիրակ» ակումբից, որին մեղադրում են պայմնավորված խաղ կազմակերպելու մեջ, ոչ մի ներկայացուցիչ չի հրավիրվել՝ պարզաբանումեր ստանալու համար։ Մենք դա համարում ենք մեր իրավունքների խախտում, հատկապես, երբ որոշումը մեծապես ազդում է ակումբի առաջնության մրցաշարային աղյուսակում դիրքի վրա։
Ակումբի իրավաբաններն արդեն իսկ նախապատրաստել են բոլոր պահանջվող փաստաթղթերը, որոնք կներկայացվեն բողոքարկման։ Հորդորում ենք ֆեդերացիային չկայացնել վերջնական որոշումը և պահպանել բողոքարկման համար տրված 7 օրյա ժամկետը», – նշված է «Շիրակ» ակումբի պաշտոնական հայտարարության մեջ:
Հիշեցնենք, որ «Բանանց» ֆուտբոլի ակումբը մայիսի 4-ին ՀՖՖ-ին հայտնել է, որ թիմի պաշտպան Էդվարդ Կպոդոն մայիսի 3-ին դիմել է ակումբին եւ տեղեկացրել, որ «Շիրակի» մարզիչ Արարատ Հարությունյանի կողմից առաջարկվել է պայմանավորված խաղ կազմակերպել 05.05.2018 թվականին կայանալիք ՀՀ բարձրագույն խմբի «Բանանց» – «Շիրակ» հանդիպման ժամանակ:
ՀՖՖ կարգապահական կոմիտեն մայիսի 5-ին քննարկել է այդ հարցը եւ նույն օրը կայացրել է հետեւյալ որոշումները.
Արարատ Հարությունյանին ցմահ արգելել զբաղվելու որեւէ ֆուտբոլային գործունեությամբ:
«Շիրակ» ՖԱ–ին տուգանել նվազագույն աշխատավարձի յոթհազարապատիկի չափով եւ ՀՀ Ֆուտբոլի բարձրագույն խմբի ընթացիկ առաջնության «Շիրակ» թիմի արդյունքները նվազեցնել 12 միավորով:
Սույն որոշումը կարող է բողոքարկվել ՀՖՖ բողոքարկման կոմիտե այն ստանալու պահից յոթ օրվա ընթացքում:
Դա նշանակում է, որ բողոքարկման վերջին ժամկետը մայիսի 12-ն է:


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Այս երկու կազմակերպություններին անդամակցելը անհամատեղելի է