ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովի (COP17) շրջանակում անցկացվող «Մշակույթ և բնություն» համաժողովի մասնակիցների համար կազմակերպվել են դաշտային այցեր Կոտայքի և Գեղարքունիքի մարզեր։ Այցերի նպատակն էր մասնակիցներին ներկայացնել Հայաստանի համայնքներում պահպանվող մշակութային ժառանգությունը, ինչպես նաև ցույց տալ դրա կապը կենսաբազմազանության, բնության և շրջակա միջավայրի պահպանության հետ։
Դաշտային այցի առաջին ուղղությունը Կոտայքի մարզն էր։ Մասնակիցներն այցելել են Գեղարդի վանական համալիր, Գառնու տաճար և «Քարերի սիմֆոնիա» բնական հուշարձան։ Գառնու տաճարի հարակից տարածքում «Մասունք» ավանդական երգի-պարի համույթը ներկայացրել է բնաշխարհի հետ հայ ժողովրդի մշակութային կապն արտահայտող ավանդական երգերի և պարերի ծրագիր։ Հնչել են «Խնկի ծառ», «Ցորեն եմ ցանե», «Ծառ փնջելու» պարերգը, ինչպես նաև կենդանիների պաշտամունքին և դրանց նմանակմանն առնչվող ավանդական պարեր՝ «Կռնկավեն», «Ղազ-ղազի», «Զաքենի» և այլ ստեղծագործություններ։
Այցը մեկնարկել է «Սևան» ազգային պարկի Նորաշենի արգելոցից, որտեղ մասնակիցները ծանոթացել են Սևանա լճի կենսաբանական նշանակությանը և տարածքի հարուստ կենսաբազմազանությանը։ Այնուհետև նրանք այցելել են Սևանի բուսաբանական այգի՝ ծանոթանալու տարածքում աճող և տեղական պայմաններին հարմարված բուսատեսակներին, այդ թվում՝ Կարմիր գրքում ընդգրկված տեսակներին։
Սևան քաղաքի տաղավարային գոտում մասնակիցները հնարավորություն են ունեցել ծանոթանալու տեղացի ստեղծագործողների աշխատանքներին և արտադրանքին։ «Հայ խոհարարական ավանդույթների զարգացման և պահպանման» ՀԿ-ն ներկայացրել է հայկական խոհարարական ժառանգությունը՝ ավանդական ուտեստի պատրաստման ցուցադրության միջոցով։
Սևանի մշակույթի կենտրոնում մշակութային ծրագիրը շարունակվել է «Լճի մարդիկ․ Սևանի ձկնորսները» վավերագրական ֆիլմի դիտումով։ ՀՀ կրթության, գիտության, մշակույթի և սպորտի նախարարության աջակցությամբ «Սևան երիտասարդական ակումբ» ՀԿ-ի կողմից նկարահանված ֆիլմը ներկայացնում է Սևանի ձկնորսական մշակույթը, ձկնորսների հիշողությունները և լճի հետ նրանց կապը։
Ֆիլմի ցուցադրությանը հաջորդել է հանդիպում և զրույց ֆիլմի հերոսների՝ Սևանի ձկնորսների հետ և ամփոփվել ԳԱՄՄԱ բենդի համերգով։ Օրվա ստեղծագործական ծրագիրը շարունակվել է «Բոհեմ» արվեստանոց-թեյարանում։ Տեղական բուսատեսակներից պատրաստված «Սևան թեյի» հյուրասիրությունը համադրվել է ստեղծագործական աշխատարանի հետ։
«Դեպի լույս» և «Կանչ» երգչախմբերը՝ խմբավար Վարդուհի Խաչատրյանի ղեկավարությամբ, շարունակում են իրենց ...
Հայաստանի անձնագրով աշխարհի 33 երկրներ կարելի է այցելել առանց վիզայի. Passport Reports
Ովքե՞ր են ներկա գտնվել Արսեն Սաֆարյանի դստեր հարսանիքին (տեսանյութ)
COP17․ «Կանաչ գոտում» գործող ԿԳՄՍՆ տաղավարում այսօր մշակույթի օր է
Սա մակաբուծական հարաբերություն է. Աբբաս Արաղչի
Տավուշի օրինակն ու դրա կիրառելիությունը COP17-ի օրակարգում
Մակրոնը մեղադրել է օտարերկրյա առաջնորդներին Ֆրանսիայի անկարգությունների թեման շահարկելու մեջ
Լիլիթ Ստեփանյանը հրաժարականի դիմում է ներկայացրել
Դա սկանդալային է, վրդովեցուցիչ և պարզապես ճիշտ չէ
Այս հրաշքները շուտով կճախրեն Հայաստանի երկնքում (տեսանյութ)