ԵՄ-Մեծ Բրիտանիա գագաթնաժողովը հետաձգվել է Սթարմերի հրաժարականի պատճառով
Մեծ Բրիտանիայի վարչապետ Քիր Սթարմերի հրաժարականի մասին հայտարարությունից հետո ԵՄ բարձրաստիճան պաշտոնյաները հայտարարեցին հուլիսի 22-ին Բրյուսելում նախատեսված ԵՄ-Մեծ Բրիտանիա գագաթնաժողովի հետաձգման մասին:
«Մենք ինտենսիվորեն և մեծ վստահությամբ պատրաստվեցինք այս հանդիպմանը»,-հայտարարել է Եվրոպական խորհրդի նախագահ Անտոնիո Կոշտան:
Այժմ այս գագաթնաժողովը «բնականաբար ստիպված է եղել հետաձգվել, և այժմ ուսումնասիրվում են նոր տարբերակներ», - հավելել է Կոստան:
Խոսելով Սթարմերի եվրոպամետ քաղաքականության մասին՝ նա նշել է. «Հուսով եմ, որ նրա իրավահաջորդը կշարունակի Միացյալ Թագավորության հետ մեր հարաբերությունները վերականգնելու համար իր կողմից ուրվագծված դրական ուղղությունը»:
Նմանատիպ կարծիք է հայտնել նաև Եվրոպական հանձնաժողովի (ԵՀ) նախագահ Ուրսուլա ֆոն դեր Լեյենը: Քիր Սթարմերը «միշտ պաշտպանել է Եվրոպական Միության հետ ամուր և կայուն հարաբերությունները և խրախուսել է վստահության վրա հիմնված հարաբերություններում իսկական նոր սկիզբ», - հայտարարել է ֆոն դեր Լեյենը:
Եվրոպական հանձնաժողովի ղեկավարը նաև հույս ունի շարունակել այս հարաբերությունները Լոնդոնում կառավարության նոր ղեկավարի հետ: Կոշտան և ֆոն դեր Լեյենը իրենց հայտարարություններն արել են Մոլդովայի նախագահ Մայա Սանդուի հետ համատեղ մամուլի ասուլիսում:
«Ես համոզված եմ, որ ԵՄ-ն ավելի ուժեղ կլինի, եթե դրան միանան Միացյալ Թագավորությունը, Մոլդովան, Ուկրաինան և Արևմտյան Բալկանների երկրները», - ասել է Սանդուն։ ԵՄ-Մեծ Բրիտանիա գագաթնաժողովի մասին հայտարարվել էր մի քանի օր առաջ։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Նարեկ Նալբանդյանի և Դավիթ Ղազարյանի նկատմամբ քրեական հետապնդում է հարուցվել
Նիդերլանդները հրաժարվել է մասնակցել «Եվրատեսիլ 2027»-ին
Հայաստանի ըմբշամարտի հավաքականը նվաճեց առաջին մեդալը
Արդար չէ մեզ մեղադրել քաղաքական բռնաճնշման համար
Բրազիլիայի նախագահի թեկնածուն լքել է երկիրը ընտրություններում պարտվելուց հետո
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Ռոբոտը զբոսայգում երգել է երեխաների համար, պարել այցելուների հետ և լուսանկարվել
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին