Ի՞նչ կլինի, եթե ընդդիմությունը չգա ԱԺ. Կոնջորյանը մանրամասնել է
Այս մասին հանրային ՀԸ եթերում ասաց ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։
Անդրադառնալով ԿՀԸ-ի՝ վերահաշվարկ չանելու որոշմանը, Կոնջորյանն ասաց կան իրավաբաններ, որոնք ասում են, որ հանձնաժողովն ունի գնահատելու իրավասություն:
Խոսելով արդեն հայտնի բազմաթիվ ընտրակաշառքի և ընտրախախտումներ դեպքերի մասին, որոնցով կան քրեական վարույթներ, Կոնջորյանը վստահություն հայտնեց, որ նրանք պատասխան են տալու դրանց համար։
Հեռուստամեկնաբանի՝ ընդդիմությունն ասում է եղել են քաղաքական ձերբակալություններ և հետապնդումներ դիտարկմանը, Կոնջորյանն ասաց․
«Իրենք փաստորեն համարում են, որ ընտրակաշառատուներին բերման ենթարկելը, պատասխանատվության ենթարկելը քաղաքական հետապնդումներ են և դրանով էլ մատնում են սեփական փչացվածության աստիճանը, որովհետև իրենց համար քաղաքական գործունեությունը դա ընտրակաշառք բաժանելն է։
Մենք ասել են և էլի ենք ասում՝ պատերազմի եռագլուխ մաֆիան պետք է կործանվի։ Պատերազմի եռագլուխ մաֆիան, որը փորձ էր անում ՀՀ-ում ընտրակաշառքի միջոցով, ապօրինի ազդեցությունների միջոցով զավթել ժողովրդի իշխանությունը, պետք է կործանվի, բոլոր այն մարդիկ, ովքեր որ էդ մաֆիայի պարագլուխներն են, պետք է պատասխանատվության ենթարկվեն և հայտնվեն ճաղերի հետևում։ Ժողովուրդը մեզ տվել է այդ մանդատը»,- ասաց Կոնջորյանը։
Ըստ Կոնջորյանի, պատերազմի եռագլուխ մաֆիան ծնկի է գալու և պատասխան է տալու նաև կեղծ թեզերի և ՀՀ ժողովրդին ահաբեկելու համար։
Հարցազրույցի ժամանակ անդրադարձ եղավ նաև Ծառուկյանի, Նարեկ Կարապետյանի, Քոչարյանի՝ ՀՀ-ն լքելու փորձերի մասին։
«Վարչապետը դեռ շաբաթներ առաջ հստակ հայտարարել էր, որ նրանք երազելու են Հայաստանից փախչելու մասին և հնարավորություն չեն ունենալու։ Նրանց պատասխանատվության են ենթարկվելու։ Շատերը նրանց նման անձնական գործերի անվան տակ ճողոպրեցին և փախան արդարադատությունից»,- ասաց Կոնջորյանը։
Ինչ կլինի, եթե ընդդիմությունը չգա ԱԺ։
Կոնջորյանն ասաց՝ ընդդիմությունն ուզում է գա, ուզում է չգա, ՀՀ ժողովուրդը, 727 հազար քաղաքացիները իրենց լեգիտիմ մանդատով օժտել են ՔՊ-ին, որպեսզի միանձնյա ձևավորի քաղաքական մեծամասնություն, վարչապետ և Կառավարություն։
«ՀՀ ժողովրդի տված մանդատը մենք ամբողջությամբ իրագործելու ենք ԱԺ-ում։ Իսկ ընդդիմությունն ուզում է գա, ուզում է չգա, իրենց որոշելիքն է, վստահաբար իրենց հաստատ հաճելի պահեր չեն սօասում խորհրդարոնում, էն հարցերը, որոնք կուտակվել,են պատասխան են տալու, ամեն օր, ամեն ժամ պատասխան են տալու, թե ուր են 300 հազար ադրբեջանցիները, չեն կարողանալու խուսափել պատասխանատվությունից»,- ասաց նա։
Արարատի և հարակից համայնքների բնակիչները համակարգչային շերտագրման հետազոտության համար ստիպված չեն այ...
ՀՀ ԱԺ մշտական հանձնաժողովների համատեղ նիստ
Երեկվա հորդառատ տեղումները ազդել են ջրային ռեսուրսների վրա
ԵԱՍՄ հիմնարկը համալրվելու է 50-ից ավելի տեխնիկայով
Քրեակատարողական հիմնարկներից ոչ մեկում ազատազրկված անձինք ծեծի չեն ենթարկվել. ՔԿԾ-ն հերքում է տարածվ...
Վրաստանն ու Չինաստանը հաստատում են համապարփակ ռազմավարական գործընկերություն
Բրազիլիայի հավաքականը հայտարարություն է տարածել Նեյմարի վերաբերյալ
«Ուժեղ Հայաստան»-ի պատգամավորի թեկնածուներից 2-ը կալանավորվել են
Երևանում մարդատար ավտոմեքենաների համար սահմանափակումներ կլինեն․ Ավինյան
Գիտնականները քաղցկեղի վերադարձից ամիսներ առաջ այն հայտնաբերելու միջոց են գտել