Լատվիան և Լիտվան կանչել են Ռուսաստանի դեսպաններին նոր սպառնալիքների պատճառով
Լատվիան և Լիտվան, հետևելով Եվրամիությանը և ԵՄ մի շարք այլ երկրների, կանչել են Ռուսաստանի դեսպաններին՝ ի նշան բողոքի Կիևին նոր զանգվածային հարվածներ հասցնելու ՌԴ-ի հերթական սպառնալիքների և օտարերկրացիներին ու դիվանագետներին Ուկրաինայի մայրաքաղաքը լքելու պահանջների: «Կիևի դեմ Ռուսաստանի սպառնալիքները մեզ չեն վախեցնի: Մենք չենք լքում Կիևը: Ռուսաստանը պետք է հեռանա: Մենք վճռականորեն աջակցում ենք Ուկրաինային»,- հայտարարել են Լատվիայի ու Լիտվայի արտգործնախարարությունները:
Ավելի վաղ Գերմանիան, Նիդերլանդները, Նորվեգիան, Լեհաստանը և ԵՄ-ն հանդես էին եկել նմանատիպ հայտարարություններով:
ԵՄ արտաքին կապերի եվրոպական ծառայությունը կանչել է ԵՄ-ում ՌԴ մշտական ներկայացուցչի պաշտոնակատարին՝ կապված Մոսկվայի սպառնալիքների հետ, հայտարարել է ծառայության ներկայացուցիչ Անիտա Հիփերը: Նա Ռուսաստանի գործողությունները որակել է «անընդունելի սրացում»: Բրյուսելը կոչ է արել Մոսկվային դադարեցնել քաղաքացիական անձանց վրա հարձակումները և սկսել «իրական խաղաղության բանակցություններ՝ սկսած լիակատար և անվերապահ հրադադարից»: «ԵՄ պատվիրակությունն Ուկրաինայում մնում է Կիևում»,- ընդգծել է Հիփերը:
Մայիսի 26-ին Նյու Յորքում կայացած ՄԱԿ-ի նիստում գրեթե 50 երկիր համատեղ հայտարարություն է տարածել՝ դատապարտելով Մոսկվայի սպառնալիքները Կիևում օտարերկրյա դեսպանատների դեմ։
Ռուսաստանի արտգործնախարարությունը հայտարարել է, որ ռուսական բանակը սկսում է «համակարգված և հետևողական հարվածներ Կիևում Ուկրաինայի զինված ուժերի կողմից օգտագործվող օբյեկտների և համապատասխան որոշումների կայացման կենտրոնների դեմ»։
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Ուրումչիի մշակութային ուղին. Գրանդ բազար
Գանսուի թռչող ձին. չինական նահանգի հնագույն ժառանգություն
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Երևանը կդառնա ժամանակակից երաժշտության և արվեստի միջազգային կենտրոն
Կարլոս Էսպին պայմանագիր է կնքել «Ռեալ Մադրիդի» հետ
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների