Ցորենի մասով «PR ակցիա» էին անում, ապաշրջափակումը կլիներ նա, որ բեռները գային, օրինակ, Իջևանի կայարան. Դանիելյան

Ցորենի ոչ միայն որակը, այլև արժեքն է կարևոր. Այսինքն ինչ է նստում ղազախական ցորենի Հայաստան գալը. Մենք հարցումներ ենք պատրաստել, որոնք կուղարկենք պատկան մարմիններին՝ հասկանալու համար այց ցորենի ինքնարժեքը։

NEWS.am-ի հաղորդմամբ, այս մասին նոյեմբերի 11–ին, ԱԺ–ում լրագրողների հետ զրույցում նշեց ԱԺ «Հայաստան» խմբակցության պատգամավոր Գառնիկ Դանիելյանը՝ անդրադառնալով նրան, որ Ղազախստանից Ադրբեջանի տարածքով, երկաթգծով 4–րդ կարգի ցորեն է ներմուծվել Հայաստան, որը օգտագործվում է որպես անասնակեր։

«Ցորենը, որ վագոններով գալիս է, այդ վագոնները պետք է հետ ուղարկվեն։ Եթե դրանք դատարկ են հետ ուղարկվում, ինքնարժեքը լրացուցիչ ավելանում է։ Երկրորդը, այդ բեռները եկել են Վրաստանի տարածքով, այսինքն Վրաստանին որպես տարանցիկ երկիր, պետք է գումարներ վճարենք։ Այս առումով գնագոյացումը շատ կարևոր է, առաջիկայում մենք կպարզենք, թե մեկանգամյա եկած ցորենի գալու պատճառները որոնք են։