Զարեհ Սինանյանին ԱՄՆ-ում ասել են, որ ներդրում կլինի միայն «ապազգային իշխանության հեռանալու պարագայում»
«Փաստ» օրաթերթը գրում է. «Այս օրերին ԱՄՆ-ում է գտնվում Սփյուռքի գործերով Փաշինյանի հանձնակատար Զարեհ Սինանյանը։ Համացանցում տեսանյութեր են հրապարակվել, թե ինչպես է Գլենդելում նրա հանդիպումը հայ համայնքի ներկայացուցիչների հետ տապալվել, քանի որ դեռ հանդիպումը չսկսած՝ նրանք պաստառներ են պարզել, Արցախի դրոշներ ու վանկարկել՝ «Նիկոլ դավաճան», «Զարեհ դավաճան»։
«Փաստ» թերթի տեղեկություններով, Զարեհ Սինանյանին ԱՄՆ գործուղելու հիմնական նպատակը Հայաստան ներդրումներ բերելն է եղել, կամ գոնե խոստումներ ստանալը։ Սակայն, մեր աղբյուրների փոխանցմամբ, տապալվել են նաև այս նպատակով հանդիպումները։ Զարեհ Սինանյանը թե՛ անհատական, թե՛ խմբային հանդիպումներ է ունեցել գործարարների հետ՝ Հայաստան որոշ ներդրում բերելու համար։ Ցանկացած գումարի ներդրման խոստում փորձել է կորզել՝ ոչ միայն արդյունք ցույց տալու համար, այլև ներկայացնելու, թե իբր Հայաստանի իշխանությունը սփյուռքում ունի վստահություն։
Սակայն, մեր տեղեկություններով, սփյուռքի ներկայացուցիչները կտրականապես մերժել են։ Մեծ մասը պարզապես ասել է, որ չեն վստահում Հայաստանի իշխանությանը և մանավանդ Համահայկական հիմնադրամին փոխանցված գումարների մեծ մասի՝ 107 մլն դոլարի՝ բյուջե փոխանցելուց և, ըստ իրենց, «փոշիացնելուց» հետո չեն պատրաստվում որևէ բան անել։
Բացի այդ, սփյուռքի ներկայացուցիչները նշել են, որ մեծ դժգոհություն ունեն Հայաստանի իշխանության գործունեության վերաբերյալ, և ասել են, որ գումար կփոխանցեն միայն Հայաստանում իշխանափոխությունից հետո։ Որոշները, որոնք ունեն դրական վերաբերմունք անձամբ Սինանյանի նկատմամբ, նրան ուղիղ են ասել, որ ներդրումներ կանեն միայն այն պարագայում, երբ «ապազգային» Նիկոլ Փաշինյանը հեռանա։
Ընդ որում, Զարեհ Սինանյանին կոչ են արել իրենց խոսքերը անպայման փոխանցել Նիկոլ Փաշինյանին։ Ի դեպ, մեր աղբյուրները փոխանցում են, որ Լոս Անջելեսի գործարարներն այս ամենի հետ հանձնակատարին շատ պարզ բացատրել են, թե ինչու պետք է Հայաստանում ազգային ուժեր ղեկավարեն, ու նշել, թե իրենց ներդրումներն ինչ ուղղվածություն կունենան»:
Մանրամասները՝ թերթի այսօրվա համարում
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Ալյասկայում Ուկրաինայի վերաբերյալ համաձայնություն չի եղել. Ռուբիո
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Դիդիե Դեշամը հրատապ լքել է Ֆրանսիայի հավաքականի ճամբարը
Գեղարքունիքից 303 երեխա հանգստի է մեկնել դպրոցականների ամառային ճամբար
ՀՀ վարչապետ Նիկոլ Փաշինյանի ճեպազրույցը ուղիղ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ