Ցուցահանդես, ուրախություն, խաղեր, գույներ, փուչիկներ. «Շուշան արտ ստուդիա»-յի միջոցառումը
Հունիսի 1-ին «Մոսկվայի տան» կենտրոնում տոնական տրամադրություն էր: Երեխաների պաշտպանության օրվա հաճելի առիթով «Շուշան արտ ստուդիա»-յի սաներըամփոփեցին մեկ տարվա իրենց կատարած աշխատանքը նկարչական տպավորիչ ցուցահանդեսով: Մեծաթիվ հյուրեր շրջում էին ցուցասրահում ու հիանում երեխաների երևակայությամբ, ներկայացված նկարների գունային հետաքրքիր խաղերով ու ասելիքով:
Միջոցառումը ողջունեց ու շատ կարևորեց Մոսկվայի տան տնօրեն Վահրամ Կարապետյանի կողմից՝ մաղթելով, որ ստուդիայի գործունեությունը միշտ լինի շարունակական ու արվեստի նորանոր ուղղություններ ընդգրկի:
Ստուդիայի ղեկավար Շուշան Վարդանյանը շեշտեց, որ միջոցառումը իրական դարձավ Մոսկվայի տան հետ համագործակցության շնորհիվ, ապա հավելեց, որ իր համար կրկնակի տոն է այսօր, քանի որ ստուդիայի սաների, ներդրված ջանքերի առաջին ամփոփումն է ցուցահանդեսի տեսքով, ու ամեն երեխայի նկարը շատ կարևոր մասնիկ է ստուդիայի գործունեության մեջ:
Ըստ Շուշան Վարդանյանի՝ բոլոր երեխաներն են տաղանդավոր, ու ստուդիայի նպատակն է յուրաքանչյուրին տալ ինքնաարտահայտվելու հնարավորություն. «Ի դեպ մի գաղտնիք էլ բացեմ: Այստեղ նաև մեր կան մեր տարեց աշակերտների նկարներ: Մեզ մոտ չկա տարիքային սահմանափակում: Չկա մարդ, որ նկարել չգիտի, կան մարդիկ, որ չգիտեն, թե ինչքան գեղեցիկ կարող է ստացվել իրենց մոտ նկարելը, դրա համար ուղղակի պետք է ճիշտ ուղղորդել նրան, որ կարողանա արտահայտել իր հույզերը պատկերի ու գույների միջոցով, մենք օգնում ենք, որ բացահայտեն իրենց տաղանդը», - ասում է Շուշանը՝ շեշտելով, որ միշտ մեծագույն հաճույքով են աշխատում ստուդիայի սաների հետ, ինչի շնորհիվ էլ այսօր մեծ ընտանիք է հավաքվել: Նա շնորհակալություն հայտնեց բոլոր ներկաներին՝ ցուցահանդեսին միանալու համար, Մոսկվայի տանն էլ պատրաստակամության և համագործակցության համար: Շուշան Վարդանյանից հետո խոսքով հանդես եկան նաև միջոցառման հյուրերից Ռաֆայել Երանոսյանը, ինչպես նաև սաների ծնողներից բանաստեղծ Գոռ Հարությունյանը և Սաթվա Յոգա ստուդիայի տնօրեն Նարինե Բաղդասարյանը՝ դրվատանքի խոսքեր հղելով ստուդիայի հասցեին՝ երեխաների հետ կատարված մեծ աշխատանքի համար:
Ցուցահանդեսից զատ հավաքվածներին նաև այլ անակկալներ էին սպասվում «Մոսկվայի տան» տանիքում: Բաց երկնքի տակ երեխաների համար անցկացվեցին նկարչական մրցույթներ, ինտերակտիվ խաղեր, ապա նաև միասին նկարեցին մեկ մեծ կտավին՝ իրենց պոզիտիվ ու լուսավոր էներգետիկան փոխանցելով միմյանց: ՍտուդիՏոնական միջոցառման երաժշտական հյուրը «ԼաԼաՖա» վոկալ ստուդիայի սաներն էին, ովքեր հրաշալի կատարումներով ուրախացրին բոլորին: Միջոցառման ավարտին բոլոր երեխաները դեպի երկինք ուղարկեցին երազանքի փուչիկներ՝ ամփոփելով իսկապես ստացված օրը:
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
ԲԴԽ-ն դատավոր Արշակ Պետրոսյանին նախազգուշացում հայտարարեց
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը