44-օրյա պատերազմի հետևանքով 136 մարդ զրկվել է ոտքերից ու ձեռքերից, նրանցից 15-ը՝ և ոտքերից, և ձեռքերից
Panorama.am-ը գրում է․ Արցախյան 44-օրյա պատերազմի հետևանքով զոհվածների, անհետ կորածների, գերեվարվածների վերաբերյալ իրավապահ մարմնի, պաշտոնյաների հրապարակած թվերը շատերը կասկածելի են համարում։ Պատերազմի ավարտից մեկ ու կես տարի անց դեռ հրապարակված չեն զոհվածների անուն-ազգանունները, զոհվելու հանգամանքները։
Վերջերս էլ հայտնի դարձավ, որ պատերազմում զոհվածներին ԱՆ-ն ներկայացրել է որպես կորոնավիրուսի հետևանքով մահացածներ։
Մինչ օրս չի հրապարակվել պաշտոնական տեղեկատվություն պատերազմի հետևանքով վիրավորվածների թվի, վիրավորվելու հետևանքով հաշմանդամություն ձեռք բերած զինծառայողների ու կամավորների վերաբերյալ։
Panorama.am-ը գրավոր հարցում է ուղղել երեք գերատեսչությունների՝ առողջապահության, աշխատանքի և սոցիալական հարցերի, պաշտպանության նախարարություններին։ ԱՆ-ից ասացին՝ իրենք նման տվյալների չեն տիրապետում։ ՊՆ-ից հարցմանը դեռ չեն արձագանքել։
Աշխատանքի և սոցիալական հարցերի նախարարությունից Panorama.am-ն այսօր ստացել է հարցերի պատասխանները։
Panorama.am- Ղարաբաղյան երրորդ (44-օրյա) պատերազմի հետևանքով քանի՞ զինծառայող ու քաղաքացիական անձ (կամավոր) է ձեռք բերել հաշմանդամություն։ Քանի՞սն է այդ պատճառով զորացրվել։
ԱՍՀՆ- 2022 թվականի մայիսի 27-ի դրությամբ՝ հաշմանդամություն ունեցող անձանց հաշվառման «Փյունիկ» տեղեկատվական համակարգում հաշվառված է 2020 թվականի պատերազմին մասնակցելու հետևանքով հաշմանդամություն ձեռք բերած 1353 անձ։
Panorama.am- Նրանցից քանի՞սն ունեն 1-ին, 2-րդ, 3-րդ կարգի հաշմանդամություն։ Նրանցից քանի՞սն են զինծառայողները (խնդրում եմ առանձին նշել պայմանագրային ու ժամկետային զինծառայողների թիվը), քանի՞սը՝ քաղաքացիական անձինք։
ԱՍՀՆ- Առաջին խմբի հաշմանդամություն է ձեռք բերել՝ 112, երկրորդ խմբի հաշմանդամություն՝ 311 և երրորդ խմբի հաշմանդամություն՝ 930 անձ։ Հաշմանդամություն ունեցող անձանց` զինծառայող (պայմանագրային, ժամկետային, զորացրված) կամ քաղաքացիական անձ լինելու վերաբերյալ տեղեկատվություն համակարգ չի մուտքագրվում։
Panorama.am- Հաշմանդամություն ձեռք բերած անձանցից քանի՞սն ունեն ամպուտացված վերջույթներ, քանի՞սն են զինծառայողներ, քանի՞սը՝ քաղաքացիական անձինք: Առավել շատ ո՞ր վերջույթներն են ամպուտացվել՝ վերի՞ն, թե՞ ստորին: Քանի զինծառայող ու քաղաքացիական անձինք կա՞ն, որոնք ունեն երկու և ավելի ամպուտացված վերջույթներ։ Խնդրում եմ մանրամասն նշել, թե քանի՞ զինծառայող, քաղաքացիական անձ ունեն ամպուտացված մեկ, քանի՞սը՝ երկու, քանի՞սը՝ երեք, քանի՞սը՝ չորս ամպուտացված վերջույթներ։
ԱՍՀՆ- Հաշմանդամություն ձեռք բերած անձանցից 136-ն ունի վերին և ստորին վերջույթների անդամահատում։ Նրանցից 35-ն ունի վերին վերջույթների, իսկ 101-ը՝ ստորին վերջույթների անդամահատում։ Վերջույթների անդամահատում ունեցող 136 անձից 15-ն ունի զույգ վերջույթների անդամահատում:
Panorama.am -Պատերազմի հետևանքով հաշմանդամության ձեռք բերած զինծառայողներից, քաղաքացիական անձանցից քանի՞սն են ունեցել պրոթեզավորման կարիք։ Նրանցից քանի՞սն են պրոթեզավորվել պետական բյուջեի միջոցներով։
ԱՍՀՆ-Հայտնում ենք, որ 2020 թվականի ռազմական գործողությունների հետևանքով վնասվածք (վիրավորում) ստացած 123 անձ պրոթեզավորման կարիք է ունեցել և, համապատասխանաբար, վերջիններիս տրամադրվել է վերին և ստորին վերջույթների պրոթեզներ։ Պրոթեզավորման գործընթացն իրականացվել է պետության, դոնոր և ԱՍՀՆ կողմից որակավորված կազմակերպությունների համագործակցության միջոցով։
Panorama.am-Պատերազմի հետևանքով հաշմանդամություն ձեռք բերած քանի՞ զինծառայող, քաղաքացիական անձ է պրոթեզավորվելու ընթացիկ՝ 2022 թ. ընթացքում։
ԱՍՀՆ-Ներկայումս 2020 թվականի ռազմական գործողությունների հետևանքով վնասվածք (վիրավորում) ստացած որոշ անձինք գտնվում են վերականգնողական փուլում, և միայն համապատասխան բուժում ստանալուց հետո պարզ կլինի նրանց պրոթեզավորմանն առնչվող հարցը։
Panorama.am-Ո՞ր երկրի արտադրության պրոթեզներ է ձեռք բերում պետությունը։ Խնդրում ենք կցել նաև ձեռք բերված պրոթեզների բնութագրերն ու գները:
ԱՍՀՆ- Տեղեկացնում եմ նաև, որ համաձայն ՀՀ կառավարության 2015 թվականի սեպտեմբերի 10-ի N 1035-Ն որոշման՝ աջակցող միջոցները տրամադրվում են պետական հավաստագրերի հիման վրա։ Պրոթեզները ստանում են այն կազմակերպություններից, որոնք Աշխատանքի և սոցիալական հարցերի նախարարության հետ ունեն կնքված պայմանագրեր։ Նախարարությունը ֆինանսական միջոցներ է տրամադրում կազմակերպությունների կողմից իրականացված ծառայության դիմաց։
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
ԲԴԽ-ն դատավոր Արշակ Պետրոսյանին նախազգուշացում հայտարարեց
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը