Կառավարելը՝ կառավարել է, ոչ թե հեքիաթներ պատմել ու ճղճղալ, երբ հարցնում են՝ հացահատիկային պաշարով ապահովված ենք, թե ոչ

Այդ որ բարոյական, քաղաքական, տիեզերական, աստվածային բոլոր նորմերն ու կանոնները ոտքի տակ տալով ամեն ինչ արեցիք կառավարություն կազմելու համար, դե հիմա պարտավոր եք ամեն ինչ անել կարգի հրավիրելու համար սպեկուլիանտ, պահից փող բռնող ձեր սրտի գործարարներին, ձեր հպարտ այն քաղաքացիներին, ովքեր երեք հազար դոլար ամսավճարով բնակարան են հանձնում վարձակալման, ձեթի ու շաքարավազի, ալյուրի դեֆիցիտ ստեղծում։

Դե գործ արեք։ Քաղաքը կեղտից մաքրեք, սպեկուլիանտներին կարգի հրավիրեք, գործարարներին իրենց տեղը ցույց տվեք, հացահատիկով լցրեք երկիրը, Արցախի անվտանգությունն ապահովեք։

Կառավարելը՝ կառավարել է, ոչ թե հեքիաթներ պատմել ու ճղճղալ, երբ հարցնում են՝ հացահատիկային պաշարով ապահովված ենք, թե ոչ։

ՀՀ Աժ «Հայաստան» խմբակցության պատգամավոր Գեղամ Նազարյանի ֆեյսբուքյան էջից