Երաժշտությունն ազդում է կանանց ընտրության վրա. հետազոտություն

Պարզվում է՝ երաժշտությունը կարող է ազդել կանանց ընտրության վրա:

Ինսբրուկի եւ Վիեննայի ավստրալացի հոգեբանների այս թեմայով հետազոտության արդյունքները հրապարակվել են PLоS ONE-ում, հայտնում է «Լենտան»: Մասնագետների տվյալներով՝ երաժշտության ունկնդրումը կնոջ համար տղամարդու գրավչությունը մեծացնում է:

Հետազոտությանը մասնակցել են երաժշտության նման նախապատվություններով 64 կին եւ 32 տղամարդ: Նրանց համար նվագել են մեղեդիների հատվածներ՝ ըստ հաճելիության եւ դինամիկության կամ բարդության աստիճանի: Այնուհետեւ մասնակիցներին ցույց են տվել հակառակ սեռի՝ դեմքի չեզոք արտահայտությամբ լուսանկարներ: Նրանք պետք է գնահատեին նրանց գրավչությունը եւ ասեին՝ արդյոք պատրաստ են այդ մարդու հետ հարաբերություններ հաստատել:

Հարցման արդյունքները ցույց են տվել, որ երաժշտություն լսելուց հետո կանայք ավելի հաճախ են տղամարդկանց գրավիչ համարել եւ նրանց հետ հանդիպելու մեծ ցանկություն հայտնել: Ըստ որում՝ ավելի բարդ եւ դինամիկ մեղեդիները գրավչության աստիճանը մեծացրել են:

Կանանց գնահատելիս տղամարդկանց վրա երաժշտության ունկնդրումն ամենեւին չի ազդել: Գիտնականների ենթադրությամբ՝ սա պատճառաբանվում է այն հանգամանքով, որ տղամարդիկ են իրենց երաժշտական ունակություններն ավելի հաճախ օգտագործում կանանց գրավելու համար, այլ ոչ թե հակառակը:

Լուրեր Հայաստանից - NEWS.am