ԱՀԱԶԱՆԳ. Շիրակի պետհամալսարանում հեռակա բաժիններն են փակում

Շիրակի պետհամալսարանում հեռակա բաժինների մեծ մասը փակում են, քանի որ ուսանողների թիվը քիչ է... Բուհի ղեկավարության ցանկացած պատճառաբանություն այս հարցում կամայական է, քանի որ պետք է մտածեին միայն կրթության որակը բարելավելու, ոչ թե վարձավճարներ հավաքելու մասին: Սա ևս մեկ ապացույց է, որ Երվանդ Սերոբյանն իր տեղում չէ և բուհի կառավարումից գրեթե ոչինչ չի հասկանում... Ըստ Սերոբյանի` եթե ուսանողների թիվը քիչ է, ապա պետք է փակեն բաժինները... Ո՛չ ռազմավարությունից է խոսում, ո՛չ էլ ուսանողներ հավաքագրելու մասին խոսք կա... Երեք տարվա մեջ ՇՊՀ-ի ռեկտորի ԺՊ-ն ոչինչ չի արել դեպի բուհ ուսանողների հոսքն ապահովելու՝ ՇՊՀ-ն գովազդելու համար...

Բաժիններ փակող ֆիզիկոս ռեկտորը, որը նաև փակեց ֆիզիկայի բաժինը, բացարձակ չի ամաչում, որ, կրկնուսույց լինելով, իր մյուս ֆիզիկոս պաշտոնյա ընկերների հետ չեն կարողացել ուսանողներ ներգրավել ֆիզիկայի բաժին, բայց մեծ հաճույքով զբաղեցնում են վարչական պաշտոններ և ստանում են շատ բարձր աշխատավարձեր...

Այսպես, 2000 ուսանող ունեցող ՇՊՀ-ի ռեկտորը ստանում է 700 հազար դրամ աշխատավարձ (+դասախոսական աշխատավարձը), այն դեպքում, երբ օրինակ 17 հազար ուսանող ունեցող ԵՊՀ-ի ռեկտորը ստանում է 808 հազար 500 դրամ աշխատավարձ... Բուհի բազմաթիվ պաշտոնյաներ կամ գործի չեն գալիս, կամ էլ աշխատանքի ժամերին տեղում չեն... Օրինակ՝ գլխավոր հաշվապահը... Պրոռեկտորներից մեկը, օրինակ, ըստ բուհում տարածվող լուրերի, օրերով կարող է աշխատանքի չգալ...

Հավելեմ, որ եթե ԵՊՀ-ում ամենաբարձր վարձավճարը 1 միլիոն դրամն է, ապա ՇՊՀ-ում՝ 450 հազար դրամն է...

Ստացվում է, որ, օրինակ՝ ՇՊՀ իրավագիտություն բաժնի մագիստրատուրայի 12 (450 հազար դրամ), ինչպես նաև բակալավրի հոգեբանության բաժնի ևս 12 (250 հազար դրամ) ուսանողների տարեկան վարձավճարներըը գնում են միայն ռեկտորի ԺՊ-ի մեկ տարվա աշխատավարձը տալու համար, այն դեպքում, երբ նույն ԵՊՀ-ի ռեկտորի աշխատավարձի համար "հատկացվում" է ԵՊՀ իրավագիտության բաժնի մոտ 10 (9,7) ուսանողի վարձավճարները...

Ռեկտորը, պրոռեկտորները և բաժնի վարիչները ստանում են աստղաբաշխական աշխատավարձեր, որոնց նախադեպը չկա Շիրակի ո՛չ մի պետական հիմնարկում... Եվս մեկ հետաքրքիր և զավեշտալի փաստ. որքան ուսանողների թիվը կրճատվում է, այնքան աճում է վարչական աշխատողների թվաքանակը...

Ի դեպ, հեռակա բաժինների փակելու մասին հայտարարվում է այն ժամանակ, երբ բուհի պրոֆեսորադասախոսական անձնակազմը արդեն մեկ օր արձակուրդի մեջ է, նախնական դասաբաշխումները հայտնի են և հեռակա բաժինները փակելու մասին հարցերը չեն քննարկվել ամբիոններում և ֆակուլտետային խորհուրդներում...

Բաժիններ փակելու և բազմաթիվ դասախոսների անաշխատանք թողնելու փոխարեն ՇՊՀ-ի ռեկտորի պաշտոնակատարը և նրա թիմ կոչվածը լավ կլինի մտածեն, թե ինչպես գրավեն ուսանողներին դեպի ՇՊՀ, ինչպես նաև կրճատեն իրենց աստղաբաշխական աշխատավարձերը և վարչական ավելորդ հաստիքները...

Զավեշտ է, երբ Շիրակի մարզպետն ու Գյումրու քաղաքապետն այդքան աշխատավարձ չեն ստանում, որքան ՇՊՀ-ի ռեկտորի պաշտոնակատարը...