«Սորոսի» հիմնադրամը Հայաստանում 2020 թվականին ավելի քան 1.6 մլն դոլարի դրամաշնորհ է բաժանել
«Սորոսի» հիմնադրամի պաշտոնական կայքի վերջին թարմացումներից պարզ է դառնում, որ հիմնադրամն արդեն հանրայնացրել է 2020թ. ընթացքում Հայաստանում գործող կազմակերպություններին տրամադրված դրամաշնորների մասին ամբողջական տեղեկատվությունը: Պետք է նշել, որ նախկինում ստացած յուրաքանչյուր դրամաշնորհի դիմաց գրվում էր նաև տվյալ ծրագրի պատասխանատուի անունը, սակայն հետագայում այս տեղեկատվությունը հեռացվել է հիմնադրամի կայքէջից:
Ըստ այդմ, 2020թ. ընթացքում «Սորոսի» հիմնադրամը 67 դրամաշնորհային ծրագրերի շրջանակներում 1.665.137 դոլարի կամ շուրջ 800 միլիոն դրամի դրամաշնորհ է բաժանել:
Դրամաշնորհ ստացած կազմակերպությունների ցանկում է Դանիել Իոաննիսյանի կողմից համակարգվող «Իրազեկ քաղաքացիների միավորում» ՀԿ-ն: Այս կառույցը 145.005 դոլարի դիմաց նաև պարտավորվել է սահմանադրական և ընտրական բարեփոխումների վերաբերյալ հանրային քննարկումներ կազմակերպել: Հիշեցնենք, որ Իոաննիսյանը օրուգիշեր նոր ընտրական օրենսգրքի անհրաժեշտության մասին է քարոզում:
193.000 դոլարի դրամաշնորհ է ստացել Արթուր Սաքունցի կողմից համակարգվող Հելսինկյան քաղաքացիական ասամբլեայի Վանաձորի գրասենյակը, 226.459 դոլարի դրամաշնորհ է ստացել «Factor» լրատվականը, 30.000 դոլար ստացել է «Ընդդեմ կանանց նկատմամբ բռնության կոալիցիան», 8.695 դոլարի դրամաշնորհ է ստացել Երևանի ավագանու «Իմ քայլը» խմբակցության անդամ Գրիգոր Երիցյանի կողմից համակարգվող «Հայ առաջադեմ երիտասարդություն» ՀԿ-ն, 26.700 դոլար էլ ստացել է «Ռեստարտ» գիտակրթական բարեգործական հիմնադրամը, 92.200 դոլար է ստացել Հանրային լրագրության ակումբը, 8.500 դոլար՝ ԼԳԲՏ համայնքահեն կազմակերպություն հանդիսացող «ՓԻՆԿ»-ը և այլն:
Տե՛ս 2020թ. տրամադրված դրամաշնորհների ցանկն՝ ամբողջությամբ:
Համեմատության համար նշենք, որ «Բաց հասարակության հիմնադրամներ» հայաստանյան գրասենյակի կողմից 2019թ. տրամադրվել է 50 դրամաշնորհ՝ 2.426.124 դոլարի չափով, 2018թ. տրամադրվել է 52 դրամաշնորհ՝ 79.761.095 դոլարի չափով, 2017թ. տրամադրվել է 38 դրամաշնորհ՝ 1,325,551 դոլարի չափով, իսկ 2016թ. տրամադրվել է 48 դրամաշնորհ՝ 1.752.534 դոլարի չափով։
Հաշվի առնելով 2020 թվականին հայաստանյան կազմակերպությունների` հիմնադրամից ստացած դրամաշնորհների չափը և այն համեմատելով նախորդ տարիների դրամաշնորհների չափի հետ` կարելի է եզրակացնել, որ «Սորոսը» չի կորցրել հետաքրքրությունը Հայաստանի նկատմամբ։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...