Եթե պատրաստ չեն մեր օրակարգով հանդիպման, պետք է ֆիքսենք, որ ձևական ինչ-որ բան էին ուզում անել, որը չստացվեց. Իշխան Սաղաթելյան
«Հայրենիքի փրկության» շարժումը առաջարկել էր հանդիպման ֆորմատային փոփոխություն, սակայն հանդիպման մինչև հիմա կողմերը չեն արձագանքել:Այս մասին «Փաստինֆո»-ի հետ զրույցում ասաց Հայրենիքի փրկության շարժման համակարգող Իշխան Սաղաթելյանը:
Հիշեցնենք, որ նախագահի աշխատակազմը մարտի 10-ին հայտարարություն տարածեց առ այն, որ նախագահը հանդիպման հրավեր է ուղարկել վարչապետին, խորհրդարանական խմբակցությունների և Հայրենիքի փրկության շարժման ղեկավարներին: ՀՓՇ-ն երեկ հայտարարեց, որ համաձայն է մասնակցել հանդիպմանը, բայց իր առաջարկած պայմաններով, այն է՝ հանդիպումը պետք է լինի ԱԺ-ում, ուղիղ հեռարձակմամբ և հստակ օրակարգով՝վարչապետի հրաժարական, ժամանակավոր կառավարության ձեւավորում, արտահերթ խորհրդարանական ընտրություններ։ ԲՀԿ-ն որպես առանձին խորհրդարանական խմբակցություն ու Նիկոլ Փաշինյանը դեռ չեն արձագանքել հրավերին, իսկ ԱԺ «Իմ քայլը» և «Լուսավոր Հայաստան» խմբակցությունները ընդունել են այն։
«Մենք հայտարարությունն արել ենք, մեր դիրքորոշումը հայտնել ենք, դեռ արձագանք չունենք՝ ոչ նախագահը, ոչ վարչապետը, ոչ «Իմ քայլը» չեն արձագանքել»,-մեզ հետ զրույցում ասաց Իշխան Սաղաթելյանը:
ՀՅԴ ԳՄ ներկայացուցիչը ողջունեց ԼՀԿ-ի դիրքորոշումը, որ կողմ են ցանկացած ֆորմատով հանդիպման.
«Ուրախ եմ, որ համաձայնել են մեր առաջարկին,մնում է մյուս կողմերը համաձայնեն: Մենք ասել ենք պայմանները , օրակարգը, եթե պատրաստ են այդ պայմաններով հանդիպման, մենք պատրաստ ենք, եթե պատրաստ չեն, պետք է ֆիքսենք, որ ձևական ինչ-որ բան էին ուզում անել, որը չստացվեց»,- մեզ հետ զրույցում ասաց Իշխան Սաղաթելյանը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
ՀՀ ԱԺ արտահերթ նստաշրջան - 02.07.2026