Դունյա Միյատովիչն ընդգծել է Լեռնային Ղարաբաղ միջազգային առաքելությունների անխոչընդոտ մուտքի ապահովման կարեւորությունը
![](/timthumb.php?src=/disc/28-01-23/2085a50198c68324b3c9c185a8151c04.jpg&w=708)
Եվրոպայի խորհրդի մարդու իրավունքների հանձնակատար Դունյա Միյատովիչը հաստատել է Լաչինի միջանցքով երթեւեկությունն անհապաղ վերականգնելու անհրաժեշտության մասին իր հայտարարությունը։ Այս մասին Միյատովիչը գրել է Twitter-ի իր միկրոբլոգում։
Դունյա Միյատովիչը նշել է, որ ներկա իրավիճակը եւս մեկ անգամ ցույց է տալիս մարդասիրական օգնության եւ մարդու իրավունքների միջազգային առաքելությունների ազատ եւ անխոչընդոտ հասանելիության կարեւորությունը բոլոր շրջաններ եւ ժողովրդին, ներառյալ Լեռնային Ղարաբաղին եւ տեղի բնակչությանը:
Նա ընդգծել է հասանելիության արդյունավետ եւ ճկուն պայմաններ մշակելու անհրաժեշտությունը, որոնք բոլոր համապատասխան կողմերին, ներառյալ Հանձնակատարի գրասենյակին, հնարավորություն կտան առաջնահերթ հասանելիություն ունենալ նրանց, ովքեր մարդասիրական օգնության եւ մարդու իրավունքների պաշտպանության կարիք ունեն: