20 միլիոն 107.000 դրամ՝ «ՀՀ վարչապետի գավաթ» լողի սիրողական մրցաշարի անցկացումն ապահովելու համար. հերթական դրամաշնորհը
Աղմկահարույց դրամաշնորհներով աչքի ընկնող կառավարությունը հերթական դրամաշնորհն է բաշխել օրերս: Այս անգամ պետության կողմից դրամաշնորհի ձևով ֆինանսական աջակցության գումարների օգտագործման մասին պայմանագիր են կնքել «Կոնցեպտ Իվենթս» ՍՊԸ-ն և ՀՀ Կրթության, գիտության, մշակույթի և սպորտի (ԿԳՄՍ) նախարարությունը: Օգոստոսի 1-ին կնքված պայմանագրով «Կոնցեպտ Իվենթս»-ին հատկացվել է 20 միլիոն 107 հազար 814 դրամ՝ «ՀՀ վարչապետի գավաթ» լողի սիրողական մրցաշարի անցկացումն ապահովելու համար: Ըստ պայմանագրի՝ ծրագրի տևողությունը 1 ամիս է՝ օգոստոսի 10-ից սեպտեմբերի 10-ը:
Ուշագրավ է, որ այս ՍՊԸ-ն նույն տարում արդեն երկրորդ անգամ է «արժանանում» դրամաշնորհի. առաջինը՝ 2022թ. մարտի 11-ին էր, երբ «Կոնցեպտ Իվենթս»-ին հատկացվել էր 24 միլիոն դրամ 365 հազար 380 դրամ՝ «ՀՀ վարչապետի գավաթ» սիրողական թենիսի մրցաշարի անցկացման միջոցառումը կազմակերպելու համար:
Ի դեպ, դրամաշնորհներից զատ՝ գնման գործընթացներում հաճախ հաղթող այս ընկերությունը գրեթե բոլոր կարևոր միջոցառումների «զարդն է» Երևանի Քաղաքապետարանում, ՀՀ ԿԳՄՍ-ում, հասցրել է ծառայություններ մատուցել նաև վարչապետի աշխատակազմում և Առողջապահության, ՀՀ բարձր տեխնոլոգիական արդյունաբերության նախարարություններում:
Ի դեպ, այս ընկերության հետ գնման ընթացակարգերից մի քանիսը եղել են մեկ անձից կատարվող գնման ձևով՝
2022թ. մարտի 22-ին «Կոնցեպտ Իվենթսը»-ը ՀՀ բարձր տեխնոլոգիական նախարարությանը մատուցել է 14 միլիոն 650 հազար դրամի աշխատանքներ,
2022թ. ապրիլի 5-ին՝ 17 միլիոն 950 հազար դրամի աշխատանքներ կրկին նույն նախարարության հետ,
2022թ. մայիսի 25-ին նույն ՍՊԸ-ն Երևանի քաղաքապետարանին մատուցել է 800 հազար դրամի ծառայություն:
168.am-ը փորձեց հետաքրքրվել, թե Փաշինյանի կառավարության այս վստահելի մատակարարը ե՞րբ է սկսել իր գործունեությունը և ի՞նչ փորձառություն ունի:
Այսպիսով, պարզվում է, ընկերությունը ոչ ավել, ոչ պակաս՝ ունի երեք տարվա կյանք. հիմնադրվել է 2019թ. սեպտեմբերի 24-ին ու հիմնադրման մեկ ամիսը չլրացած՝ Երևանի քաղաքապետարանի հետ կնքել է նախ՝ 12 միլիոն 882 հազար դրամի, ապա նաև՝ Ամանորի և Սուրբ Ծննդյան տոները նախապատրաստելու համար՝ 1 միլիոն 739 հազար դրամի պայմանագրեր:
Բանաձեւը, որի շուրջ Վաշինգտոնում եկանք համաձայնության, առաջարկել ենք նաեւ ՌԴ-ին, բայց չհաջողեց
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
«Զգուշացում Ալիևին». ռուսաստանցի լրագրողները նշել են Ադրբեջան-Ուկրաինա գազային միջանցքի վրա հարվածի ...
Զբոսաշրջիկների ամրագրումները չեղարկած հյուրանոցի դեմ վարույթ է հարուցվել
Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի
Թրամփը Փաշինյանին և Ալիևին կընդունի Պուտինին ուղղված վերջնագրի վերջին օրը. Euronews
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Նախարարը կաթված է ստացել ուղիղ եթերում (տեսանյութ)