Քադիրով. Գրոզնիում հրաձգություն կազմակերպած անձինք ժամանել են արտասահմանից

Չեչնիայի ղեկավար Ռամզան Քադիրովը հայտարարել է, որ Գրոզնիում հրաձգություն կազմակերպած անձինք ժամանել են արտասահմանից:

«Իրավապահների մոտ ժամանակին տեղեկություններ են հայտնվել այն մասին, որ տարածաշրջանում արտասահմանից անօրինական զինված խմբավորումների մասնակիցներ են ժամանել: Նրանց հայտնաբերելու համար օպերատիվ միջոցառումներ են անցկացվել»,-ասել է նա:

Քադիրովը հավելել է, որ լիկվիդացված զինյալների մոտ զենք, կապի միջոցներ եւ զինամթերք է հայտնաբերվել: Նրանք տարածաշրջանում ահաբեկչություններ են նախապատրաստել, հաղորդում է «ՌԳ»-ը:

«Այս պահին Չեչնիայում եւ ամբողջ տարածաշրջանում իրավիճակը կայուն է եւ հանգիստ: Սահմանափակող միջոցներ չեն մտցվել: Բոլոր ծառայությունները բնականոն կերպով աշխատում են: Ուժայիններն աշխատել են մաքսիմալ պրոֆեսիոնալ եւ հանգիստ»,-հավելել է Քադիրովը:

Հիշեցնենք, որ հոկտեմբերի 13-ին զինյալների եւ իրավապահների միջեւ զինված բախում է տեղի ունեցել: Ոչնչացվել է 4 հանցագործ: Զոհվել է 3 ուժային:

Այս թեմայով Չեչնիայում հայտնել են Քադիրովի դիմակի օգտագործմամբ սադրանքի նախապատրաստման մասին Կադիրովի դուստրը Չեչնիայի մշակույթի նախարարի առաջին տեղակալ է նշանակվել «Զգաստ կանգնած»․ Կադիրովը պատմել է, թե ինչպես է խոսել Պուտինի հետ Կարծում էի, որ ինձ նոբելյան մրցանակ կտան ահաբեկչության դեմ պայքարի համար, իսկ ինձ ներառում են պատժամիջոցների ցուցակում Ռամզան Կադիրովը պատմել է չեչենների ցանկության մասին հայտնվել ԱՄՆ-ի պատժամիջոցների ցուցակում