Կորոնավիրուսով վարակված կոյուղաջրերը կարող են լուրջ սպառնալիք ներկայացնել. գիտնականներ

Կորոնավիրուսով վարակված կոյուղաջրերը կարող են լուրջ սպառնալիք ներկայացնել շրջակա միջավայրի եւ մարդկանց առողջության համար: Այս մասին հայտնում են Իսրայելի Նեգեւ քաղաքում գտնվող Բեն-Գուրիոնի համալսարանին կից Ցուկերբերգի ջրային պաշարների հետազոտությունների ինստիտուտի գիտնականները:

Նոր փաստաթղթում, որը հրապարակվել է Nature Sustainability ամսագրում, աշխարհի տարբեր երկրներից 35 գիտնականների մասնակցությամբ գնահատվում են կոյուղաջրերի վերջին ուսումնասիրությունները՝ կորոնավիրուսների առկայությունը ստուգելու համար: Ինչպես պարզվել է, կոյուղաջրերը, որոնք բնական ջրմուղներ են մտնում, կարող են հանգեցնել օդակաթիլային ճանապարհով վարակման: Ավելին, մաքրված կոյուղաջրերը, որոնք օգտագործվում են ոռոգման ջրամբարները՝ ինչպիսիք են լճերը եւ գետերը, լցնելու համար, նույնպես կարող են աղտոտման աղբյուր դառնալ:

Բացի այդ, կոյուղաջրերով ոռոգվող մրգերն ու բանջարեղենը, որոնք պատշաճ կերպով չեն ախտահանվել, կարող են նաեւ անուղղակիորեն հանգեցնել վարակման:

Հետազոտական խումբը խորհուրդ է տալիս անցկացնել նոր եւ ավելի մեծ ուսումնասիրություն, որպեսզի որոշվի հավանական վարակի մակարդակը, եթե այդպիսին կա, եւ զանազան ջրամբարներում ու շատրվաններում կորոնավիրուսների պահպանվելու ժամանակը:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը