Վատիկանը պատրաստ է օգնել Ուկրաինայում խաղաղության հասնելու հարցում. կայացել է Լավրով-Գալագեր հանդիպումը
Վատիկանը պատրաստ է ցանկացած բարի ծառայություն մատուցել ռուս-ուկրաինական հակամարտության կարգավորման հույսով, հայտարարել է Սուրբ Աթոռի պետությունների և միջազգային կազմակերպությունների հետ հարաբերությունների քարտուղար Փոլ Ռիչարդ Գալագերը, որը Մոսկվայում հանդիպել է ՌԴ արտաքին գործերի նախարար Սերգեյ Լավրովի հետ։ «Արմենպրես»-ի փոխանցմամբ՝ այս մասին հաղորդում է «ՌԻԱ Նովոստի» գործակալությունը։
«Մենք նույնպես պատրաստ ենք ցանկացած հնարավոր ձևով առաջարկել մեր բարի ծառայությունները՝ հույս ունենալով, որ այդքան ցանկալի խաղաղությունը հնարավորինս շուտ կարողանա հաստատվել», - Լավրովի հետ բանակցություններից հետո լրագրողներին ասել է Գալագերը։
Մինչ այդ Վատիկանի բարձրաստիճան դիվանագետի հետ հանդիպման բացմանը Լավրովը հայտարարել է, որ Ռուսաստանին և Վատիկանին հաջողվել է փոխհարգալից երկխոսություն պահպանել՝ չնայած աշխարհում ստեղծված իրադրությանը: «Մենք նշում ենք, որ չնայած մեր մոլորակի վրա տեղի ունեցող այս բոլոր փոփոխություններին՝ մեզ հաջողվել է Վատիկանի հետ պահպանել վստահելի, փոխհարգալից երկխոսություն, որը, հուսով եմ, մեզ թույլ է տալիս գտնել դրական և իրագործելի լուծումներ», - ասել է Լավրովը, որի խոսքերն է մեջբերում «Ինտերֆաքս» գործակալությունը։
ՌԴ ԱԳ նախարարի խոսքով՝ Մոսկվայի բանակցությունների քննարկման օրակարգում են ռուս-վատիկանյան երկկողմ փոխգործակցության հարցերը և հրատապ միջազգային թեմաները։
Իր կողմից Գալագերը հանդիպման բացմանը նշել է, որ միջազգային հարաբերությունների համար այս դժվարին ժամանակներում երկխոսությունն ավելի կարևոր է, քան երբևէ, և դիվանագիտությունն աշխարհին ավելի անհրաժեշտ է, քան երբևէ: «Մենք գնահատում ենք այս հանդիպումը և այն համարում ենք մեր երկխոսության օրինաչափ շարունակությունը, որը պահպանվում է», - հայտարարել է նա:
Հայկական ֆուտբոլում հասունանում է իրավական նոր սկանդալ
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Սերգեյ Բագրատյանին երեք օրով չվճարվող արձակուրդ է տրամադրվել
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Դեպի ԵՄ երկրներ արտահանման ծավալն աճել է
Սուրեն Պապիկյանն անակնկալ ստուգայցեր է իրականացնում ՊՆ զորամասերում
Եվս մեկ ստուգայց՝ հերթապահություն իրականացնող զորամասերից մեկում. Պապիկյան
Վրաերթի են ենարկվել զինծառայողներ, մեկը մահացել է
Գյումրի-Կարս երկաթուղու վերագործարկման հայկական հատվածի նախագծման համար միջազգային մրցույթ է հայտարա...