Երկու տարվա համբերատար լռությունից հետո, Սերժ Սարգսյանի անդրադարձը ապրիլյան մեր հաղթանակին, պետական նշանակություն ունեցող փակագծեր բացեց
Բացառիկ մարդիկ են, որ կարողանում են կյանքի ամենադժվարին և մարտահրավերներով շրջափուլում, հանուն պետականության ցուցաբերել խորագետ համբերատարություն: Այս մասին ֆեյսբուքյան իր էջում գրում է ռազմական գործիչ Գևորգ Գևորգյանը:
«Երկու տարվա համբերատար լռությունից հետո, Սերժ Սարգսյանի անդրադարձը 2016 թվականի ապրիլյան մեր հաղթանակին, փակագծեր բացեց, փակագծեր որոնք իրականում պետական նշանակություն ունեն:
Սա խոսք էր պատերազմի ճանապարհ անցած պետական գործչի, անվտանգության համար պատասխանատու նախագահի և մարդու, ով լավագույնս գիտի խաղաղության ու պատերազմի գինը: Իսկ խաղաղության և պատերազմի գինը լավ գիտեն այն մարդիկ, ովքեր անցել են այդ ամենով:
Անչափ կարևոր էր նաև այն մեսիջը, որով շեշտվեց պետության անվտանգության համակարգի էլ ավելի ամրապնդման համար՝ ռազմավարական դաշնակցային-գործընկերային հարաբերությունների պահպանման, զարգացման գործոնը: Փաստացի, ՌԴ-ի կողմից մինչև 2018 թվականի ապրիլ, մեզ մեծաքանակ ռազմատեխնիկական աջակցություն է ցուցաբերվել: Ըստ այդ ծրագրի ՀՀ Զինված Ուժերին տրամադրվել է շուրջ 50.0000 տոննա ռազմատեխնիկական աջակցություն:
Սա փաստ է, սա կատարված աշխատանք է, սա պետական շահից բխող քաղաքականություն է, որը ամենապրոֆեսիոնալ պոպուլիստն անգամ, չի կարող մանիպուլյացնել:
Սա այն կարևորագույն քայլերից է, որով ցանկացած պետություն իր անվտանգության համակարգն է ամրապնդում, իսկ դա ժամանակին արվում էր լուռ, առանց թմբկահարելու հանրությանը:
Հ.Գ. Հիշեցի, երբ տարիներ առաջ, 2013 թվականին բուռն քննարկվում էր Հայաստանից Ստեփանակերտ չվերթներ իրականացնելու հարցի անվտանգությունը, Սերժ Սարգսյանն ասաց. «եթե տեսնեմ, որ վտանգ կա, ապա առաջին ուղևորը անկասկած հենց ես եմ լինելու»:
Այդպիսին են երկրի համար պատասխանատու, հակառակորդին ծնկի բերած, պետական մտածողություն ունեցող առաջնորդները»,- գրում է Գևորգյանը:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Մենք ենք պետք Եվրոպային, թե Եվրոպան` մեզ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ուկրաինան կարող է ստիպված լինել հաշտվել իր տարածքի մի մասի կորստի հետ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...