Կանադան կորոնավիրուսի դեմ պատվաստանյութերի մատակարարման պայմանագրեր է կնքել Pfizer Inc-ի եւ Moderna Inc-ի հետ

Կանադան առանձին պայմանագրեր է կնքել Pfizer Inc-ի եւ Moderna Inc-ի հետ` կորոնավիրուսի դեմ պատվաստանյութերի միլիոնավոր չափաբաժինների մատակարարման վերաբերյալ, հայտնում է Reuters-ը:

Գնումների նախարար Անիտա Անանդը հայտնել է, որ Օտտավան «ինտենսիվ բանակցություններ է վարում» պատվաստանյութերի մի շարք այլ տեղական եւ միջազգային հավանական մատակարարների հետ:

«Մենք բոլորս արծաթե փամփուշտ ենք ուզում, բայց, ցավոք, այն չկա»,- ասել է Անանդը:

Բոլոր հավանական պատվաստանյութերը պետք է հավանության արժանանան Կանադայի առողջապահության նախարարության կողմից, ասել է Անանդը՝ հավելելով, որ իր գերատեսչությունը Կանադայում պատվաստանյութերի արտադրության եւ փաթեթավորման վերջին փուլերի համար անհրաժեշտ սարքավորումներ է գնել:

Անանդը Pfizer-ի եւ Moderna-ի փորձնական պատվաստանյութերը բնութագրել է որպես «շատ հեռանկարային», սակայն նշել է, որ դեռ շատ աշխատանք կա կատարելու:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը