Խաղաղ հավաքների ազատությունը պետք է օր առաջ վերադարձվի քաղաքացիներին. Ռուբեն Մելիքյան

Սա հերթական խայտառակ դրսևորումն է այն կապակցությամբ, որ մեր երկրում տոտալ արգելված են խաղաղ հավաքները: Այս մասին այսօր՝ հուլիսի 27–ին, ֆեյսբուքյան ուղիղ եթերում ասաց «Իրավական ուղի» ՀԿ հիմնադիր Ռուբեն Մելիքյանը՝ անդրադառնալով ԿԳՄՍ նախարարության դիմաց ցուցարարներին բերման ենթարկելուն և խաղաղ հավաքների տոտալ արգելքին:

«Մեր իշխանություններն արդեն բացահայտ, մեծ բավականություն ստանալով հավաքների արգելքից, ըստ էության, ինչ ցանկանում, այն էլ անում են: Առանց հավաքների ազատության չկա ժողովրդավարություն: Արդեն 134-րդ օրն է այսօր, որ մեր երկրում խաղաղ հավաքներն արգելված են: Այս հարցը պետք է շատ արագ լուծվի»,- ասաց նա:

Նրա խոսքով՝ չկա այսօր ժողովրդավարական որևէ պետություն, որտեղ գործում է խաղաղ հավաքների տոտալ արգելք։ Նա հիշեցրեց, որ ամբողջ աշխարհում հայ համայնքի ներկայացուցիչներն այս օրերին ակցիաներ են կազմակերպում. «Ո՞վ է նրան, խոչընդոտւմ, կմ հավաքում, տանում։ Խաղաղ հավաքների ազատությունը պետք է օր առաջ վերադարձվի քաղաքացիներին: ՀՀ քաղաքացիները պետք է օգտվեն խաղաղ հավաքների ազատությունից: Կառավարությունը չէ, որ շնորհել է խաղաղ հավաքների ազատությունը քաղաքացիներին»,- ասաց նա:

Հիշեցնենք, էր ԿԳՄՍ նախարարության շենքի մոտ բողոքի ակցիա են իրականացրել բուհեր չընդունված դիմորդներն ու նրանց ծնողները: Նշենք, որ ԿԳՄՍ նախարարության դիմաց բողոքի ակցիայի մասնակիցներից երկուսը բերման են ենթարկվել, ավելի ուշ՝ ոստիկանությունից ազատ արձակվել։