Նշվել են գերտաքացմանն ամենից ավելի հակված սմարթֆոնները

Չնական Master Lu հանրահայտ բենչմարկի մշակողները ներկայացրել են ամենասառը եւ տաք սմարթֆոնների վարկանիշը, որոնք արդիական են ընթացիկ տարվա երկրորդ եռամսյակում: Գերտաքացմանն ամենից ավելի հակված մոդելներն են՝ Xiaomi CC9 Meitu-ն, Nokia 9 PureView-ն եւ Meizu Note 9-ը, փոխանցում է Planet-today-ը:

Սկսենք սառը բջջային դեւայսներից: Գերտաքացմանն ամենից չհակվածներն են Vivo ապրանքանիշի սմարթֆոնները, որոնց միջին աշխատանքային ջերմաստիճանը հասնում է Ցելսիուսի 30 աստիճան նիշին: Օրինակ՝ Vivo U3x մոդելը աշխատելիս տաքանում է միջինը մինչեւ 28 - 32.5 աստիճան: Մյուս սառը սմարթֆոններն են Samsung Galaxy M30s-ն եւ Redmi 8-ը: Ինչպես տեսնում ենք, գերտաքացմանը հակված չեն համեմատաբար ոչ թանկարժեք դեւայսները:

Ավելի հետաքրքիր է ամենատաք սմարթֆոնների վարկանիշը: Այն գլխավորում է Xiaomi CC9 Meitu-ն, որի աշխատանքային ջերմաստիճանը տատանվում է 37 – 40 աստիճանների միջակայքում: Եվս մեկ տաք սմարթֆոն է Nokia 9 PureView-ն, որն աշխատելիս կարող է տաքանալ մինչեւ 43 աստիճան: Չի կարելի սառը անվանել նաեւ այնպիսի սարքերը, ինչպես՝ Meizu Note 9-ը, Redmi Note 7-ը, Nubia Red Devils 3-ը եւ Xiaomi 9 SE-ն:

Սմարթֆոնների գերտաքացումն առանձնապես նկատելի է ամռանը, երբ շրջակա միջավայրի ջերմաստիճանը զգալիորեն բարձր է, քան ձմռանը: Փորձագետների խոսքով՝ գերտաքացումը կարող է դառնալ բջջային սարքի ոչ ճիշտ աշխատելու պատճառը, ինչպես նաեւ հանգեցնել դրա շարքից դուրս գալուն (օրինակ՝ գերտաքացման պատճառով մարտկոցն արագ դեգրադացվում է):