Ֆրանսիացի գիտնականները պարզել են «Քովիդ-19»-ով վարակված ծանր հիվանդների գլխավոր ախտանիշը

Ֆրանսիացի գիտնականները պարզել են կորոնավիրուսով վարակման դեպքում ծանր վիճակում գտնվող հիվանդների մոտ հայտնաբերվող բնորոշ նշանը: Այս մասին հայտնում է РИА Новости-ն՝ ներկայացնելով Science գիտական ամսագրում հրապարակված ուսումնասիրության արդյունքները:

Մասնագետներն ուսումնասիրել են 50 հիվանդների տվյալներ, որոնց մոտ հիվանդությունն ուղեկցվել է տարատեսակ ախտանշաններով՝ թեթև հազից մինչև շնչառական անբավարարություն, ինչի հետևանքով նրանց թոքերի արհեստական օդափոխման սարքի էին միացնում:

Վերլուծելով նրանց հետազոտությունների արդյունքները՝ գիտնականները պարզել են, որ «Քովիդ-19»-ով վարակված ծանր հիվանդներին միավորում է ինտերֆերոնի (պաշտպանական սպիտակուց) պակասն ու ուժեղ բորբոքումը:

Ծանր հիվանդների մոտ առաջանում է առաջին տեսակի ինտերֆերոնի պակաս, որն օրգանիզմն արտադրում է վիրուսի դեմ պայքարի համար: Դրա արտադրումն օրգանիզմում դանդաղեցնում է կորոնավիրուսային վարակի տարածումը:

Գիտնականները եկել են եզրահանգման, որ ինտերֆերոնը վճռորոշ դեր է կատարում հիվանդների բուժման հարցում:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը