Հեղափոխության ձևի ու բովանդակության մասին
Եթե հեղափոխության կամ իշխանափոխության համար պահանջվեին ընդամենը վիրտուալ տատիկ, կեղծ պապիկ, շնգոյի շուն, ղժղժան ամբոխավար, պաչվող ջահելներ ու կնանիք, ապա աշխարհի բոլոր երկրներում ամիսը մեկ պարբերականությամբ հեղափոխություններ/իշխանափոխություններ կլինեին։
Տեխնոլոգիաները կարևոր, բայց ոչ որոշիչ դեր են կատարում։ Եթե հեղափոխության/իշխանափոխության հիմք չկա, այն չի լինի։
ԽՍՀՄ փլուզմանն էլ էր նպաստում քաղաքական և տեղեկատվական տեխնոլոգիաների կիրառումը, բայց ԽՍՀՄ–ը փտում էր ներսից և փլուզվեց հենց այդ պատճառով։ Տեխնոլոգիաներն ընդամենը փաթեթավորեցին բովանդակային գործընթացները։
ԽՍՀՄ փլուզման գլխավոր պատճառներից մեկը մարքսիստական գաղափարախոսության պրակտիկ կիրառումն էր՝ մասնավոր սեփականության ինստիտուտի և մասնավոր բիզնեսի բացառումը։
Մարդկության շարժիչ ուժն ու բնական վիճակն անհավասարությունն է, այլ ոչ թե արհեստական հավասարությունը (այլ հարց է, որ օրենքի առաջ բոլորը պետք է հավասար լինեն, թեև դա էլ բուրժուական բլեֆներից է, որն առավելագույնս մոտենում է իրականությանը, երբ ստանում ենք բարեկեցիկ միջին խավ)։ Այնպես որ, ԽՍՀՄ–ն «էն գլխից» էր դատապարտված փլուզման։
Վերադառնալով մեր «ոչխարներին» ասեմ, որ 2018–ի իշխանափոխության ձևն ու դերակատարներն անսպասելի էին, բայց անսպասելի չէր բուն փոփոխությունը։ Այլ հարց է, որ մի խումբ պատմական պատահականություններ և դուրսպրծուկներ փախցրեցին հանրության սպասումներն ու հայտնվեցին պետության ղեկին։ Դա արդեն հեղափոխության/իշխանափոխության «արտադրական ծախքերն» են, որոնք միշտ լինում են նման դեպքերում։ Բայց դա էլ կանցնի։ Հայկական թերմիդորն անխուսափելի է։ Դա պատմաքաղաքական օրինաչափություն է, որից ոչ մի երկրում տեղի ունեցած հեղափոխություն չի շեղվել։
Տեխնոլոգիան հեղափոխական աղցանն է, որը տրվում է ճաշից առաջ։ Ճաշը դեռ չի եփվել։ Առավելևս ընթրիքին չենք հասել։
Մի խոսքով, պետք է ուշադրություն դարձնել քաղաքական գործընթացների բուն էությանը՝ սուբստանցիային։ Մնացածը՝ ինչպես տեքստում։
Անդրանիկ Թևանյանի ֆեյսբուքյան էջից
Իրանը կմասնակցի ԱՄՆ-ի հետ բանակցությունների երկրորդ փուլին
Ռուսական ԱԹՍ հարվածից վիրավորվել է Ուկրաինայի պաշտպանության նախարարի խորհրդականը
Սերժ Սարգսյանի և ՓԲԸ-ի միջև կնքված հողամասի առուվաճառքի գործարքը ճանաչվել է անվավեր. կբռնագանձվի 78....
Ուկրաինական անօդաչու թռչող սարքերը կրկին հարվածել են Տուապսեի նավահանգստին
Պարտադիր ժամկետային ծառայության համար ոչ պիտանի ճանաչված անձը հետազոտություն է անցել զինծառայություն...
Իսրայելի ԱԳ նախարարը ներողություն է խնդրել քրիստոնյաներից իսրայելցի զինվորի կողմից Հիսուս Քրիստոսի ա...
Թրամփի ընկերությունը նախատեսում է Թբիլիսիում կառուցել Թրամփի աշտարակ
Առևտրային նավի վրա հարձակումը բացահայտ ագրեսիա է. Իրանի ԱԳՆ
Միջազգային իրավունքի և բարոյական առաջնորդության առումով ՀԱՊԿ-ի դերը պահանջված է, քան երբևէ. Լավրով
Ղարաբաղից տեղահանվածների բնակապահովման ծրագրում փոփոխություններ կկատարվեն. նախարարը՝ նոր կարգավորում...