Քո իրական կամ ենթադրյալ ղեկավարին հիշեցրու, որ սպառվեց իրեն տրված հնարավորությունը. Գևորգ Պետրոսյանն՝ Ալեն Սիմոնյանին

Նա ինչպիսի ուսանող էր, այդպիսին էլ ԱԺ փոխնախագահ է, գուցե և ավելի վատը: Այս մասին ֆեյսբուքյան իր էջում գրել է ԱԺ «ԲՀԿ» խմբակցության պատգամավոր Գևորգ Պետրոսյանն, անդրադառնալով ԱԺ փոխխոսնակ Ալեն Սիմոնյանի՝ ԲՀԿ առաջնորդի վերաբերյալ նախօրեին արած հայտարարություններին:

Նրա գրառումն ամբողջությամբ ստորև.

«Ալեն, բա կարելի ա՞...

Անկեղծ, ցավում եմ նրա համար: Նա ինչպիսի ուսանող էր, այդպիսին էլ ԱԺ փոխնախագահ է (գուցե և ավելի վատը)...

Ով ով, բայց դու Ծառուկյանի մասին խոսելիս շատ զգուշավոր պետք է լինես (հավանաբար, հասկացար, թե ինչու)...

Ի՞նչ քաղաքական դիվիդենտի մասին ես խոսում, էտ ի՞նչ ես ակնարկում, որ ասում ես «շուտով ամեն ինչ իրա տեղը կընկնի»...

Որ ամեն ինչ իր տեղն ընկավ, դու պատկերացնում ե՞ս, թե դու ուր ես հայտնվելու...
Չէ, բայց դու ոնց որ ճիշտ ես ասում...

Հեսա ամեն ինչ իր տեղն ա ընկնելու...

Հա, բայց էս անգամ քեզ այլևս չեն սատարելու, քանի որ դու մարդու արածը գնահատող տղա չես...
Հա, մի բան էլ, քո իրական կամ ենթադրյալ ղեկավարին հիշեցրու (եթե, իհարկե դու դրա հնարավորությունն ունես), որ սպառվեց իրեն տրված հնարավորությունը։ Նա այդպես էլ չհրապարակեց իր բժշկական զննության փաստաթուղթը...

Աչքիս՝ ոչ էլ հիվանդ է...»

Հիշեցնենք, որ Ալեն Սիմոնյանը նախօրեին լրագրողների հետ զրույցում հայտնել էր, թե «մենք շատ շուտով կտեսնենք, թե ինչ կլինի քաղաքական դաշտում, ինչ կլինի համացանցում մնացած լուրերի ու ասեկոսեների հետ կապված»:

«Կարծում եմ՝ այս իրավիճակում քաղաքական դիվիդենտներ շահելու գործընթացն այնքան էլ ճիշտ չէ և չի մոռացվելու: Մնացածը շատ մոտ ապագայում ամեն ինչ իր տեղը կընկնի»,- ասել էր ԱԺ փոխխոսնակը: