Փաշինյանն ազդարարեց «սամասուդների» սկիզբը․ Գագիկ Համբարյան

Քաղաքագետ Գագիկ Համբարյանը ֆեյսբուքյան էջում գրել է․

«Փաշինյանն ազդարարեց «սամասուդների» սկիզբը

Ինչպես և սպասում էի Հայաստանի վարչապետն իրեն չդավաճանեց նաև այսօր ԱԺ-ում Սասուն Միքայելյանի խուլիգանական պահվածքին գնահատական տալով։

Ըստ Փաշինյանի, ամեն ինչում մեղավոր է ԼՀԿ խմբակցության ղեկավար Էդմոն Մարուքյանը, ով հանդգնել է ԱԺ ամբիոնից շարժվել դեպի Սասուն Միքայելյանը։ Իսկ այն, թե ինչ է տեղի ունեցել մինչ այդ և ինչ սպառնալիքներ է հնչեցրել Միքայելյանը Մարուքյանի հասցեին՝ դա Փաշինյանին չի հետաքրքրում։

Այսպիսով Հայաստանի վարչապետը պաշտոնապես ԱԺ ամբիոնից երկրում ազդարարեց "սամասուդների" սկիզբը՝ հասկացնելով բոլոր իր կողմնակիցներին և երկրպագուներին, որ կարող են բացահայտ նախահարձակ լինել իշխանությունների ընդդիմախոսների նկատմամբ, վիրավորել վերջիններիս ու սադրել՝ դրա դիմաց ստանալով իր և իր թիմի դրվատանքն ու շնորհակալությունը։

Փաշինյանը դասեր է վերցնում Մուսոլինիից և Հիտլերից՝ իրեն շրջապատելով ծառայող խուլիգանախմբերով։
ԱԺ ընդդիմադիր ուժերն այս պարագայում մեկ բան կարող են անել՝ չմասնակցել այսուհետ որևէ նիստի...

Հ.Գ. Փաշինյանի կողմից Միքայելյանին պաշտպանելը մեսիջ է նաև "ՔՊ"-ական մյուս պատգամավորներին ևս...
Համոզված եմ, որ Փաշինյանը նաև հիացած է իր այն երկու պատգամավորներով, ովքեր Մարուքյանին թիկունքից հարվածեցին...
Սա է այս իշխանության դեմքը և աշխատանքային ոճը»։