Սրանք չեն հանձնվելու, ոչ էլ նահանջելու են, կառչելու են իրենց իշխանությունից մինչև վերջ
Մի բան ասեմ, հիշե՛ք։ Սրանք չեն հանձնվելու, ոչ էլ նահանջելու են։ Կառչելու են իրենց իշխանությունից մինչև վերջ, մինչև վերջին շունչը։ Ամենանողկալի ռեպրեսիվ միջոցներով փորձելու են պահել եղածը, ու այդ ճանապարհին դիմելու են այնպիսի զանգվածային ապօրինությունների, որոնք անցյալում չեք էլ պատկերացրել։ Սրանք չունեն ո՛չ սկզբունք, ո՛չ արժեհամակարգ, ու հանուն իրենց աթոռի՝ քարը քարի վրա չեն թողնի երկրում, կբնաջնջեն պետության բոլոր հիմնասյուները, կկազմաքանդեն բոլոր ինստիտուտները, կքայլեն մարդկանց գլուխների ու արյան վրայով, միմիայն թե չզրկվեն այն ամենից, ինչի հասել են՝ փողի, բարեկեցության, տոտալ իշխանության․․․
***
Նիկոլը ընտրել է ամենապրիմիտիվ ու ամենահրեշավոր ճանապարհը՝ եթե ուժային կառույցները չեն ենթարկվում իրեն ու ողջ ծավալով չեն կատարում իր քմահաճույքները, ուրեմն դրանք պետք է ողջ ծավալով էլ կազմաքանդել, ու ջանդամ թե այդ ամենի արդյունքում չի տուժի պետությունն ու հասարակությունը։ Հիմա ինքը ինտնեսիվ կերպով կազմաքանդում է Ոստիկանությունն ու ԱԱԾ-ն, իսկ վերջում հերթը կհասնի բանակին։ Եթե ինչ-որ մարդիկ մտածում են, թե բանակը անվտանգության նկատառումներից ելնելով կխուսափի դրանից, ապա չարաչար են սխալվում՝ Նիկոլին երկրի անվտանգության հարցերը բացարձակ չեն հուզում ու ստորադասվում են իր միահեծան իշխանատենչության մոլուցքին։ Ընդորում, հայկական իրականության մեջ սա նոր բան չէ՝ 90-ականներին, նույն կերպ այն ժամանակ ՀՀՇ-ն որպեսզի կարողանա վերցնել միահեծան իշխանություն, կազմաքանդենց սովետից մնացած ու բավականին արդյունավետ գորժող ուժային կառույցները, որոնց մասնագիտացված սպաները չէին ցանկանում ենթարկվել փողոցից եկած անգրագետ փռչոտներին ու լնգուլավազներին։ Ու այդ ամենի արդյունքում որոշակի շրջան, այդ թվում և պատերազմի ամենածանր տարիներին․ Հայաստանը ու մասնավորապես Երևանը մատնվել էին կրիմինալի քմահաճույքին, մի բան, որը չկար առաջին գծում մարտնչող Արցախում։ Հետո էլ Վանոն իր կրիմինալ միջոցներով փորձեց առնել եղած բանդաների դեմը, ու դա ՀՀՇ-ն մինչև հիմա ներկայացնում է որպես իր իշխանության մեծագույն արդյունք՝ համառորեն մոռանալով նշել, որ ի սկզբանե իրենց գործողությունների ու ուժային կառույցների կազմաքանդման հետևանքով էր երկիրը մի քանի տարի ընկղմվել քրեական քաոսի մեջ․․․
Արգիշտի Կիվիրյանի ֆեյսբուքյան էջից
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Ուկրաինան կարող է ստիպված լինել հաշտվել իր տարածքի մի մասի կորստի հետ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...