Հարգելի Սերժ Թանկյա՛ն, դուք ուղղակի ստել եք
Հարգելի և շատ սիրելի Serj Tankian,
Նիկոլ Փաշինյանի և Զարեհ Սինանյանի տապալման գործում Ձեր մեղքի բաժինը գիտակցո՞ւմ եք: Հասկանո՞ւմ եք` երբ Հայաստանում հեղափոխական ցեխի գծով Ձեր ընկերները խոստովանում են, որ հայրենադարձություն կազմակերպելը հնարավոր չէ, որ դա իրենց խելքի բանը չէ, ջուրն են նետում Ձեր ոչ բռնի, ժողովրդական, թավշյա հեղափոխությունից սպասելիքները:
Հարգելիս, հիշո՞ւմ եք, որ ընդամենը երկու տարի առաջ Երևանի հրապարակներում ցույցեր էիք անում և Սփյուռքում քարոզում էիք, որ պետք է փողոցային ճանապարհով զավթել իշխանությունը, որպեսզի «երկիրը երկիր դառնա» ու երկիրը լքած մարդիկ վերադառնան Հայրենիք: Հիմա պարոն Սինանյանն ասում է, որ հնարավոր չէ հայրենադարձություն կազմակերպել, այսինքն` խոստովանում է, որ երկու տարի առաջ Դուք բոլորով ինչ ասել եք, ինչ խոստացել եք, չեք կարողանում անել: Դուք ուղղակի ստել եք: Այո՛, ինչպե՞ս կազմակերպել հայրենադարձություն, երբ ժողվարչապետն իր անհաջողակների խմբակով շուրջ երկու տարի է` հայ մարդուն հանում է հայ մարդու դեմ:
Շուրջ երկու տարի է` ՀՀ քաղաքացիներին գույների է բաժանել, ատելություն ու բռնություն է քարոզում և խրախուսում: Շուրջ երկու տարի է` փորձում է ավիրել ազգային ինստիտուտները` եկեղեցուց մինչև ազգային արժեհամակարգի մասին պատկերացումներ: Շուրջ երկու տարի է` հայ մարդկանցից քրեական դատավարությունների սպառնալիքներով փող և քաղաքական լռություն է փորձում շորթել: Շուրջ երկու տարի է` փուլային տարբերակ է բանակցում, որ հայ մարդկանց արյունով ազատագրված տարածքները հանձնի թուրքին, տեղը` ստանա առանց խնդիրների իշխելու, այսինքն` ոչինչ չանելու, բայց հարկատուի հաշվին 70 հոգանոց թիկնազորով և թանկարժեք ավտոմեքենաներով պտտվելու, պալատներում ապրելու, ուտել-խմելու և պետական ինքնաթիռով արտասահմաններում անիմաստ ու անբովանդակ շրջագայելու երաշխիքներ:
Պարոն Թանկյան, Ձեր մեղքի բաժինը գիտակցո՞ւմ եք: Հասկանո՞ւմ եք, որ ժողվարչապետին ու Զարեհ Սինանյանին մի լավ քաշել եք: Ինչո՞ւ պետք է հայ մարդը հայրենադարձվի, երբ տեսնում է, թե ինչ է կատարվում Հայրենիքում, երբ տեսնում է, թե ուր են գլորել Հայրենիքը, երբ տեսնում է, թե ինչ աղետի առաջ են կանգնեցրել երկիրը: Ժողվարչապետի բառերով ու Ձեր կատարմամբ խորովածի մասին երգն օյին չի: Ինչո՞ւ պետք է հայ մարդը հայրենադարձվի, երբ նույնիսկ հեղափոխության առաջնորդներից մեկը` Սերժ Թանկյանը, չի պատրաստվում հայրենադարձվել: Ավելին` հեղափոխության գլխավոր սիմվոլներից մեկը` Սերժ Թանկյանը, շուրջ երկու տարի է` համառորեն չի կատարում ժողվարչապետին տրված խոստումը` բնակարան գնել և ավելի շատ ժամանակ անցկացնել Հայաստանում:
Միհրան Հակոբյանի ֆեյսբուքյան էջից
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...