Կառավարությունն հետաձգում է առողջապhական համակարգի կոլապսը, բայց չի չեզոքացնում վտանգը․ Սուրեն Սահակյան
Շուտով կլրանա հակահամաճարակային գործողությունների մի ամիսը, մինչդեռ կառավարությունը մինչ այժմ չի ներկայացրել, թե ինչպես է հաղթահարելու համաճարակը։ Այս մասին Facebook-ի իր էջում գրել է «Քաղաքացու որոշում» կուսակցության գործադիր մարմնի քարտուղար Սուրեն Սահակյանը:
«Արտակարգ դրություն հայտարարելու մասին ԱԺ քննարկումների ժամանակ կարծիք հնչեց, որ մենք ոչինչ չանելու 2-3 ամսվա պաշար ունենք։ Շուտով կլրանա հակահամաճարակային գործողությունների մի ամիսը։ Կառավարությունը մինչ այժմ չի ներկայացրել, թե ոնց ա ՀԱՂԹԱՀԱՐԵԼՈՒ համաճարակը։ Կառավարության ուղերձները նրա մասին են, թե ոնց ՄԵՂՄԱՑՆԵԼ համաճարակի հասցրած վնասները։ Հաղթահարելու ծայրը չի երևում, դրա մասին կառավարության մասնակցությամբ ՀԱՆՐԱՅԻՆ բանավեճեր չկան։ Իմ կանխատեսմամբ, կառավարության քաղաքականությունը իրական ճգնաժամը հնարավորինս հեռացնելու վերաբերյալ ա։ Այսինքն՝ նման քաղաքականությամբ մենք ընդամենը հետաձգում ենք հիվանդների մեծ հոսքի պատճառով առաջացող առողջահական համակարգի կոլապսը, բայց չենք չեզոքացնում մոտեցող վտանգը։ Կառավարությունը պետք ա որոշումներ ընդունելիս հաշվի առներ իրար հետ հարաբերվելու և մահվան հանդեպ վերաբերմունքի մասին մեր մշակութային առանձնահատկությունները։ Ու սրան չի օգնի նույնիսկ, եթե նոր ձեռք բերված ՍՈՒ-30 ինքնաթիռները ամեն շենքի գլխով թռնեն՝ ցուցանելով կառավարության լրջությունը։
Միաժամանակ, ինչքան երկար գնանք էս ճանապարհով, էնքան տնտեսությունն ավելի ա փլուզվելու։ Հայտնի դարձվածքի տրամաբանությամբ, եթե մենք հիվանդությունից մահերի ու տնտեսության փլուզման միջև ընտրում ենք տնտեսության փլուզումը, ապա կստանանք և՛ հիվանդությունից մեծաթիվ մահեր և՛ տնտեսական ճգնաժամ, որի հաղթահարումը մեզնից երկար տարիներ կխլի։ Եթե մենք ունենալու ենք առողջապահական համակարգի կոլապս և դրա հետևանքով մեծաթիվ մահեր, ապա պետք ա էդ վիճակը ընդունել, երբ դու ուժեղ ես, ոչ թե թուլացած ու հյուծված։ Հենց էս պատճառով, պետք ա մշակել և ՀԱՆՈՒԹՅԱՆԸ ՆԵՐԿԱՅԱՑՆԵԼ ոչ թե հարվածների մեղմմանն ուղղված քայլերի շարք, այլ համաճարակի հնարավորինս անկորուստ ՀԱՂԹԱՀԱՐՄԱՆ և տնտեսությունը վերագործարկելու ռազմավարություն, ինչը դեռևս չկա»,- գրել է նա։
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Ուկրաինան կարող է ստիպված լինել հաշտվել իր տարածքի մի մասի կորստի հետ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...