WhatsApp-ը կորոնավիրուսի հաշվին դարձել է ավելի հայտնի

COVID-19-ի տարածման և մեկուսացման ժամանակահատվածում մարդիկ սկսել են ավելի հաճախ օգտվել սոցիալական ցանցերից և մեսինջերներից։
Պանդեմիայից ամենից շատ օգուտ ստացել է WhastApp մեսինջերը, որը կորոնավիրուսից առաջ նույնպես ամենից հայտնի մեսինջերն էր։ Այս եզրակացությանը եկել են Kantar-ի վերլուծաբանները՝ աշխարհի ավելի քան 30 տարբեր երկրի շուրջ 25 000 օգտատիրոջ հետ անցկացրած հարցումից հետո։

Հարցումը ցույց է տվել, որ կորոնավիրուսի ֆոնին մեսինջերի ճանաչելիությունը մարտի 14-ից 24-ը աճել է 40%-ով։ Այս վիճակագրությունը կապված է նրա հետ, որ մեկուսացման օրերին մարդիկ ավելի հաճախ են օգտվում մեսինջերից։