ԱՄՆ դեսպանատունը կիսում է ԵԱՀԿ/ԺՀՄԻԳ-ի մտահոգություններն Ադրբեջանի խորհրդարանական ընտրությունների վերաբերյալ
Ադրբեջանում ԱՄՆ դեսպանատունը հայտարարությամբ է հանդես եկել Ադրբեջանում փետրվարի 9-ին անցկացված արտահերթ խորհրդարանական ընտրությունների հետ կապված: Այս մասին տեղեկացնում է turan.az կայքը:
Դեսպանատան հայտարարության մեջ ասված է, որ ԵԱՀԿ Ժողովրդավարական ինստիտուտների և մարդու իրավունքների գրասենյակի (ԵԱՀԿ/ԺՀՄԻԳ) դիտորդական առաքելությունը կիսվել է իր հետևություններով ու մտահոգություններով փետրվարի 9-ին կայացած ընտրությունների վերաբերյալ, որոնք անցել են սահմանափակ օրենսդրական և քաղաքական միջավայրում, ինչը խանգարել է իրական մրցակցությանը:
«Այս ընտրությունները տեղի են ունեցել մամուլի և հավաքների ազատության սահմանափակումներով»,-ասված է դեսպանատան հայտարարության մեջ:
Հայտարարության մեջ ասվում է նաև, որ Ադրբեջանը խոստացել է որքան հնարավոր է արագ ուսումնասիրել ընտրական գործընթացում տեղի ունեցած խախտումները:
«Ժողովրդավարական ինստիտուտների և մարդու իրավունքների գրասենյակի հաշվետվությունը ցույց է տալիս, որ ընտրություններում բազմաթիվ խախտումներ են գրանցվել: ԵԱՀԿ/ԺՀՄԻԳ-ի նախորդ և սպասվող առաջարկությունների ուսումնասիրությունն ու կատարումը համարվում է Ադրբեջանի պարտքը որպես ԵԱՀԿ անդամ, և որ ամենակարևորն է` Ադրբեջանի ժողովրդի առաջ»,-ասված է հայտարարության մեջ:
Հայտարարության վերջում ԱՄՆ դեսպանատունը շեշտում է իր պատրաստակամությունը համագործակցելու Ադրբեջանի կառավարության և ժողովրդի հետ:
Ավելի վաղ Ժողովրդավարական ինստիտուտների և մարդու իրավունքների գրասենյակի դիտորդական առաքելությունը հայտնել էր, որ Ադրբեջանում անցկացված ընտրությունները ժողովրդավարական չեն եղել:
Հունիսի 7-ը Մեր 2-րդ Անկախության Հանրաքվեն Է
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ