ՍԴ այն դատավորները, որոնք այս գործընթացի արդյունքում գործից դուրս կգան, գնալու են մինչեւ ՄԻԵԴ. Տարոն Սիմոնյան
Ցանկացած ժողովրդավարություն առանց իրավական պետության գոյության հավասարվում է ամբոխավարության, եւ դա ժողովուրդների դժբախտությունների սկիզբն է համարվում: Այս մասին, այսօր՝ փետրվարի 11-ին, լրագրողների հետ հանդիպման ժամանակ նշեց «Լուսավոր Հայաստան» խմբակցության պատգամավոր Տարոն Սիմոնյանը՝ անդրադառնալով սահմանադրության հանրաքվեի անցկացմանը:
Նա հիշեցրեց, որ Սահմանադրության 3-րդ անփոփոխելի հոդվածում սահմանվում է, որ հանրային իշխանությունը սահմանափակվում է մարդու իրավունքներով:
Տարոն Սիմոնյանն անդրադարձավ սահմանադրական փոփոխությունների վերաբերյալ ԱԺ որոշման ընդունման ընթացակարգային խախտումներին՝ նշելով. «Եթե առաջին ընթերցման ժամանակ հարցը չի ընդունվում, այն դուրս է գալիս օրակարգից: Որպեսզի հանրաքվեի դնելու հարց լիներ, պարտադիր էր, որ երկրորդ ընթերցման ժամանակ հարցը մերժվեր: Միայն այս պարագայում հնարավոր կլիներ դիմել ՍԴ, ապա նաեւ հանրաքվեի դիմել: Մենք այս գործընթացը չենք ունեցել:
Իշխանության մեր գործընկերներն ասում են, որ եթե ՍԴ դիմեինք, ինքն իր լիազորությունների վերաբերյալ չէր կարող որոշում ընդունել: Շատ երկրներում այդ պրակտիկան եւ կա եւ ՍԴ-ները իրավունք ունեն իրենց լիազորությունների վերաբերյալ որոշումներ կայացնել: Բայց եթե խնդիրը սա էր, կարելի էր հանրաքվեի դնել մեկ հոդված, որ ՍԴ-ն իրավունք չունի իր լիազորությունների վերաբերյալ որոշում կայացնել»:
Ինչ վերաբերում է բովանդակային խախտումներին, Տարոն ՍԻմոնյանն ասաց, որ օրինակ, Վենետիկի հանձնաժողովն ընդգծել էր, որ չի կարելի իրավիճակ ստեղծել, որ միանգամից մի քանի դատավորներ դուրս գան աշխատանքից, իսկ այս նախագիծը ենթադրում է, որ միանգամից 7 դատավորներ դուրս են գալիս աշխատանքից, իսկ դա հենց հակասահմանադրական է եւ իրական ճգնաժամ է:
«Ավելին, այս դատավորների նկատմամբ օրենքի հետադարձ ուժն է կիրառվում, որն արգելված է մեր Սահմանադրությամբ: Այն դատավորները, որոնք այս գործընթացի արդյունքում գործց դուրս կգան, գնալու են մինչեւ Եվրոպական դատարան, ստանալու են որոշում, որի համաձայն պետք է փոխհատուցում ստանան Հայաստանից: Մենք ուզում ենք տեղ հասցնել, որ այս սխալների պատճառով վաղվա սերունդը պետք է մի քանի մլն եվրոյի տուգանք վճարի»,-ընդգծեց նա:
Հունիսի 7-ը Մեր 2-րդ Անկախության Հանրաքվեն Է
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ