Տյումենում սպանվել է բազմիցս դատապարտված Պավել Քոլոզյանը

Տյումենում սպանվել է բազմիցս դատապարտված Պավել Քոլոզյանը։ Նրա մարմինը ուրբաթ օրը, փետրվարի 8-ին, հայտնաբերվել է ТЭЦ-2 շրջանում։ Նա մահացել է գլխին կրակոցից։ Տեղի բնակիչներին Պավելը հայտնի է որպես «Կրիստալ»-ից «այն նույն հրաձիգը», գրում է «Կոմսոմոլսկայա պրավդան»։

Տյումենի շրջանի ՔԿ-ն հայտնում է, որ քաղաքի հանգստի բազաներից մեկում հայտնաբերվել է 1991թ․ ծնված տղամարդու դի՝ գլխի հրաձգային վնասվածքով։ Տվյալ փաստով հարուցվել է քրեական գործ՝ «Սպանություն» հոդվածով։ Քննչական մարմինները կատարում են բոլոր գործողությունները՝ միջադեպի հանգամանքները պարզելու համար։ Արդեն կատարվել է դեպքի վայրի զննություն, նշանակվել են բալիստիկ եւ դատաբժշկական փորձաքննություններ։

Սպանության պատճառը, ինչպես նաեւ սպանողը, անհայտ է։ Քնիչները առաջ են քաշում տարբեր վարկածներ, որոնցից մեկը հանգստի բազայում կոնֆլիկտն է։ Նաեւ դիտարկվում է հանցագործությանը այլ անձանց մասնակցությունը։

Սպանության մանրամասները քննիչները չեն բացահայտում, սակայն թերթը կապ է հաստատել ընտանիքի մտերիմների հետ, որոնք պատմել են, որ սպանվածը վաղուց «ծուռ ճանապարհով» էր քայլում։ «Տարված էր ըմբշամարտով։ Ոչ մի տեղ չէր աշխատում, սակայն շատ ապահովված էր ապրում՝ արտասահմանյան ավտոմեքենաներ, ռեստորաններ։ Զարմացած չենք կատարվածից, սակայն ամեն դեպքում խղճում ենք նրան»,- ասել են նրանք։

Տյումենի բնակիչները սպանվածի մասին իմացել են 2019թ․ հուլիսի 3-ին, երբ օրը ցերեկով նա հրաձգություն էր սկսել «Կրիստալ» առեւտրի եւ զվարճանքների կենտրոնում։ Հիշեցնենք, այն ժամանակ կոշիկի բաժնի մոտ չորս այցելուների միջեւ վեճ էր սկսվել, որի հետեւանքով հրաձգություն ու այցելուների տարհանում էր տեղի ունեցել։ Հրաձգության մասնակիցներից մեկը վիրավորվել էր։

Մի քանի ժամ անց չարագործները կալանավորվել ին։ Հրաձիգը Պավել Քոլոզյանն էր։ Պարզվել էր, որ նա եկել էր առեւտրի կենտրոն, որտեղ տեսել էր մի տղամարդու, ում հետ նախկինում կոնֆլիկտ էր ունեցել։ Պավելը տրավմատիկ զենքից կրակել էր նրա վրա։ Պավելի հետ միասին հրաձգության պահին առեւտրի կենտրոնում էին եղել նրա ավագ եղբայր Թաթոսը եւ ընկեր Տարոն Աբրահամյանը։ Շուտով բոլորը, բացի Պավելից, ազատ էին արձակվել։ Ավելի ուշ հեռուստաուղերձում Պավելն իր արարքի համար ներողություն էր խնդրել տյումենցիներից։

Հետաքննությունը պարզել է, որ Պավել Քոլոզյանը 1995թ․ ծնողների հետ տեղափոխվել է Տյումեն, որտեղ դպրոց է հաճախել եւ բարձրագույն կրթություն ստացել, սակայն հանդիսանում է ՀՀ քաղաքացի եւ կարող է թաքնվել հետաքննությունից։ Այդ պատճառով տղամարդուն ձերբակալել են։ Նրան մահափորձի եւ ազատությունից անօրինական զրկելու մեղադրանք են առաջադրել։

Հոկտեմբերի 9-ին դատարանը հրապարակել է վճիռը, ըստ որի Պավելին դատապարտել են 11 ամսվա հասարակական աշխատանքի։ Կոնֆլիկտի մյուս մասնակիցները խուսափել են պատժից։

Մինչ Պավելը կալանավորման մեջ սպասում էր դատավճռի կայացմանը, նրա ավագ եղբայր Թաթոսը հարձակում էր գործել բանկի վրա։ 2019թ․ սեպտեմբերի 17-ին զինված տղամարդը դիմակով ներխուժել էր «Բացահայտում» բանկի գրասենյակ եւ, սպառնալով գանձապահներին, առեւանգել 1,2 մլն ռուբլի։ Վերցնելով գումարը՝ նա թաքնվել էր հանցանքի վայրից։ Թաթոսը ոստիկաններին խոստովանել էր, որ հանցագործության իրեն դրդել է կրթության, բնակարանի, աշխատանքի բացակայությունը, պարտքերը եւ երկու երեխաների առկայությունը, որոնց պետք է կերակրել։

Կալանավորման պահից մինչեւ դատը, որի առաջին նիստը կայացել է 2020թ․ հունվարի 16-ին, երկրորդը՝ հունվարի 27-ին, նա գտնվել է ՔԿՀ-ում։ Նրա հանդեպ դեռեւս դատավճիռ չի կայացվել։