Հնդկացիների սուրբ գերեզմանները պայթեցվել են «Թրամփի պատի» կառուցման համար

Միացյալ Նահանգների և Մեքսիկայի սահմանի վրա պատնեշի կառուցումը, որը հայտնի է «Թրամփի պատ» անունով, կդիպչի արգելոցին, որտեղ այստեղ բնակված հնդկացիական ցեղերից մեկի սրբազան գերեզմանն է, փոխանցում է «Լենտա»-ն` վկայակոչելով The Washington Post-ը:

Ինչպես պարբերականին պատմել է այս շրջանի Ներկայացուցիչների պալատի անդամ Ռաուլ Գրիյալվան, պայթեցման աշխատանքներն ընթանում են Մոնումենտ Հիլ բլրի վրա, որտեղ պապագո ցեղի հնդկացիները պատվով թաղում էին մարտում սպանված իրենց թշնամիներին, հիմնականում` ապաչիների ցեղից:

«Այս շաբաթ Թրամփը պայթեցրել է բնիկ ամերիկացիների սուրբ բլուրը հանրային հողի վրա՝ իր ռասիստական պատը կառուցելու համար»,- Twitter-ի իր էջին գրել է այդ հնդկացիական ցեղին պատկանող քաղաքական գործիչը:

Նա նաեւ պատմել է, որ աշխատանքներն ամբողջովին փոխել են բլրի տեսքը: Միևնույն ժամանակ, այս հողերի պատմականորեն հնդկացի տերերի հետ իշխանությունները նախապես չեն խորհրդակցել: Հաղորդվում է, որ շինարարությունը սպառնում է հնագիտության 22 հուշարձանի գոյությանը: Պատմականորեն ծեսերի համար օգտագործված տարածքում պատ կառուցելու բուն փաստը պղծում է այն, ընդգծել է Գրիյալվան:

ԱՄՆ-Մեքսիկա սահմանին պատը նախատեսված է մեքսիկացիների կողմից սահմանի անօրինական հատումները կանխելու համար: