Բադասյանը և Բուքիքիոն հեռախոսով քննարկել են Սահմանադրության փոփոխության և հանրաքվեի հարցերը

Հայաստանի արդարադատության նախարարը այսօր հեռախոսազրույց է ունեցել Եվրախորհրդի Վենետիկի հանձնաժողովի նախագահի հետ՝ քննարկելով Սահմանադրության փոփոխության և այդ հարցով նշանակված հանրաքվեի հարցը։

«Այսօր, իմ նախաձեռնությամբ հեռախոսազրույց եմ ունեցել Վենետիկի հանձնաժողովի նախագահ Ջիանի Բուքիքիոյի հետ: Հեռախոսազրույցի ընթացքում անդրադարձել եմ Սահմանադրության փոփոխության և հանրաքվեի նշանակման հետ կապված վերջին իրադարձություններին։ Փոխանցել եմ նաև հայկական կողմի պատրաստակամությունը դատաիրավական բարեփոխումների ոլորտում Եվրոպայի խորհրդի և Հանձնաժողովի հետ հետագայում ևս սերտ համագործակցությունը շարունակելու վերաբերյալ», - Ֆեյսբուքում գրել է նախարար Ռուստամ Բադասյանը։