Սոչիում կայացած Պուտին-Լուկաշենկո բանակցությունները կառուցողական են գնահատվում
Սոչիում, փետրվարի 7-ին կայացած Ռուսաստանի և Բելառուսի նախագահների երկարատև բանակցությունների ավարտին որոշ տեղեկություններ մամուլին փոխանցել է Ռուսաստանի նախագահի աշխատակազմի ղեկավարի տեղակալ Դմիտրի Կոզակը:
Նա ասել է, որ Ռուսաստանը հում նավթը Բելառուսին կվաճառի միայն միջազգային գներով: Գազի գնի հետ կապված Կոզակն ասել է, թե բանակցություններում պայմանավորվածություն է ձեռք բերվել պահպանել 2019-ի սակագինը՝ հազար խորանարդ մետրի դիմաց 127 դոլար:
Ռուսաստանի նախագահի աշխատակազմի ղեկավարի տեղակալը նշել է, որ բանակցությունները կառուցողական էին, Վլադիմիր Պուտինն ու Ալեքսանդր Լուկաշենկոն պայմանավորվել են ապագայում շարունակել երկու երկրների ինտեգրման բանակցությունները:
Այս տարեսկզբից Ռուսաստանը գործնականում դադարեցրել է նավթի առաքումը Բելառուս: Ցածր գներով Բելառուսին նավթ վաճառելու հետևանքով Ռուսաստանը յուրաքանչյուր տարի մի քանի միլիարդ դոլար է կորցնում: Մոսկվան պնդում է, որ էներգակիրների արտոնյալ գներից օգտվող Բելառուսը ավելի խորացնի ինտեգրումը Ռուսաստանի հետ:
Մինսկը վախենում է, որ կարող է կորցնել ինքնիշխանությունը ու փորձում է աշխուժացնել կապերը Արևմուտքի ու ԱՄՆ-ի հետ: Անցած շաբաթ ԱՄՆ-ի պետքարտուղար Մայք Փոմփեոն այցելել էր Մինսկ: Վերջին երկու տասնամյակի ընթացքում նա ամերիկացի ամենաբարձրաստիճան պաշտոնյան էր, որ այցելեց Բելառուս: Փոմփեոն Լուկաշենկոյին խոստացել է, որ Բելառուսը նավթ կստանա Արևմուտքից:
Սոչիում Պուտին-Լուկաշենկո բանակցությունները շարունակվել են մոտավորապես ինը ժամ: Ընդմիջմանը նրանք հոկեյ խաղալու ժամանակ են գտել ու խաղացել են նույն թիմի կազմում:
Ալեքսանդր Լուկաշենկոն ավելի քան 25 տարի Բելառուսի նախագահն է: Այս տարի Բելառուսում նախագահական հերթական ընտրություններ են:
Հունիսի 7-ը Մեր 2-րդ Անկախության Հանրաքվեն Է
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ