Ժիրինովսկին Թրամփին առաջարկել է հանդիպել եւ խմել իմպիչմենթի գործընթացում նրա հաջողության կենացը
Լիբերալ-դեմոկրատական կուսակցության առաջնորդ Վլադիմիր Ժիրինովսկին ԱՄՆ նախագահ Դոնալդ Թրամփին շնորհավորական նամակ է հղել «Սենատում Թրամփի հաղթանակից հետո» եւ առաջարկել հանդիպել Մայամիում եւ «բաժակ բարձրացնել նրա հաջողության համար», հաղորդում է ՌԻԱ Նովոստին:
Չորեքշաբթի ԱՄՆ Սենատը Թրամփին արդարացրել էր մեղադրանք 2 կետերով՝ լիազորությունների չարաշահում եւ Կոնգրեսին խոչընդոտում: Այդպիսով, իմպիչմենթի գործընթացն ավարտվել է անարդյունք, եւ Թրամփը մնացել է նախագահի պաշտոնում: 2019 թվականի դեկտեմբերին ԱՄՆ Ներկայացուցիչների պալատը միայն դեմոկրատ պատգամավորների ձայներին Թրամփին իմպիչմենթ էր հայտարարել: Դեմոկրատները կարծում են, որ Թրամփը ճնում է գործադրել Ուկրաինայի իշխանությունների վրա՝ փորձելով հասնել իր քաղաքական ընդդիմախոս Ջո Բայդենի եւ նրա ընտանիքի անդամների դեմ հետաքննության, իսկ այնուհետեւ խոչընդոտել է Կոնգրեսում հետաքննությանը:
«Լիբերալ-դեմոկրատական կուսակցության բոլոր անդամները պատրաստ են մեկնել ԱՄՆ, որպեսզի բաժակ բարձրացնեն Ձեր հաջողության համար: Մենք Ձեզ մեր հաշվին ընթրիք ենք առաջարկում Մայամիում, որտեղ գտնվում է ձեր հիանալի կեցավայր «Մար-ա-Լագոն»,- նամակում գրել է Ժիրինովսկին:
Բացի այդ, քաղաքական գործիչը զայրույթ է հայտնել՝ կապված ԱՄՆ Ներկայացուցիչների պալատի խոսնակ Նենսի Փելոսիի գործողությունների հետ, այն անվանելով ոչ տեղին: Իսկ Թրամփի դեմ քվեարկած Միթ Ռոմնիի որոշումն անվանել է դավաճանություն:
Այս շաբաթ Կոնգրեսին ուղղված ավանդական ուղերձի ընթացքում Թրամփը հրաժարվել էր սեղմել Փելոսիի ձեռքը, իսկ ելույթի վերջում Փելոսին ցուցադրաբար պատռել էր նախագահի ելույթի տեքստը: Թրամփի ելույթն անցկացվել է իմպիչմենթի ֆոնին: Հանրապետական սենատոր Միթ Ռոմնին աջակցել է Թրամփի դեմ իմպիչմենթին մեղադրական մեկ հոդվածով: Ինքը՝ Թրամփը, Ռոմնիի այդ որոշումը երկերեսանիություն է անվանել:
Հունիսի 7-ը Մեր 2-րդ Անկախության Հանրաքվեն Է
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ