ՀՀ-ում ՀԴՄ-ների ձեռքբերման համար ներկայացվել է մոտ 11 հազար հայտ. Պետեկամուտների կոմիտե

Հայաստանում հսկիչ դրամարկղային մեքենաների (ՀԴՄ) ձեռքբերման համար ներկայացվել է մոտ 11 հազար հայտ: Դրանց վաճառքը կսկսվի առաջիկա օրերին: Այս մասին փետրվարի 4-ին Ֆինանսավարկային և բյուջետային հարցերի մշտական հանձնաժողովի նիստին 2019-ի 9 ամիսների պետական բյուջեի կատարման մասին հաշվետվության քննարկման ժամանակ հայտնեց Հայաստանի Պետական եկամուտների կոմիտեի նախագահ Դավիթ Անանյանը:

Նա նշեց, որ հայտերի մեծ մասը ներկայացվել է այն ձեռնարկատերերի կողմից, ովքեր չունեն ՀԴՄ-ներ: «Այսինքն, որպես կանոն, դրանք նորաստեղծ ընկերություններ են: Մնացածի սարքերը հնացած են, և նրանք պարզապես ցանկանում են դրանք փոխարինել ավելի նորերով»,- պարզաբանեց Անանյանը:

Պաշտոնյան նաև նշեց, որ կան ձեռնարկատերեր, որոնք այժմ աշխատում են առանց ՀԴՄ-ների, բայց հավաստիացրեց, որ ՊԵԿ-ը մոնիտորինգի միջոցով վերահսկում է այդ անձանց միջոցների հոսքը:

Միևնույն ժամանակ, ՀՀ Պետեկամուտների կոմիտեի նախագահը խոստովանեց, որ բավարարել ՀԴՄ-ների շուկայական կարիքները կհաջողվի բավարարել ոչ թե փետրվարին, ինչպես այդ մասին հայտարարվել էր ավելի վաղ, այլ միայն` մարտի կեսերին: «Ներկայումս Հայաստանում կա մոտ 67 հազար ՀԴՄ, որից 50 հազարը` նոր սերնդի ՀԴՄ-ներն են, 17 հազարը` ավելի վաղ սերնդի, և դրանք պետք է փոխարինվեն»,- եզրափակեց Դավիթ Անանյանը: