Ընդդիմադիրներին բերման ենթարկելու գործողությունները խարան են դառնալու իշխանության ճակատին. դա քաղաքական հետապնդում է. Լարիսա Ալավերդյան
Բանակի օրվա տոնակատարությունների ընթացքում այդ անօրինական, ամբողջովին հակաիրավական գործողությունները պարզապես խարան են դառնալու ոչ միայն իշխանությունների, այլ մեր երկրի ճակատին, Aysor.am-ի թղթակցի հետ զրույցում ասաց «Ընդդեմ իրավական կամայականությունների» ՀԿ տնօրեն Լարիսա Ալավերդյանը։
Հիշեցնենք, երեկ բերման էին ենթարկվել ՎԵՏՕ նախաձեռնության հիմնադիր Նարեկ Մալյանը, «Ադեկվադ» միաբանության հիմնադիր Արթուր Դանիելյանը, Կոնստանտին Տեր-Նակալյանն ու միաբանության ևս երկու անդամ, նաև «Քաղաքացիական գիտակցություն» ՀԿ նախագահ Նարեկ Սամսոնյանը:
«Ես ոչ միայն դատապարտում եմ երեկ տեղի ունեցած ոչ օրինական, ոչ իրավական գործընթացները, այլ նաև դիմում եմ բոլոր քաղաքական, հասարական ուժերին, բոլոր մտածող մարդկանց, այն առումով, որ մենք կարողանանք այդ ոչ իրազեկ մարդկանց գործողություններին վերջ դնելու», - ասաց Լարիսա Ալավերդյանը։
Երեկ ընդդիմադիր գործիչների նկատմամբ տեղի ունեցածը Լարիսա Ալավերդյանը որակեց որպես քաղաքական հետապնդում.
«Ամբողջովին դատապարտում եմ այդ գործընթացները և դրանք որակում որպես քաղաքական հետապնդումներ, կոչ անելով րոպե առաջ դադարեցնել դրանք»։
Արձագանքելով իրավապաշտպան Ռուբեն Մելիքյանի առաջարկին, Լարիսա Ալավերդյանն ասաց, որ ամբողջովին համաձայն է նրա հետ։
Հիշեցնենք, իրավապաշտպան Ռուբեն Մելիքյանը հունվարի 28-ի իրադարձությունների իրավաչափությունը քննարկելու և անհրաժեշտ պարզաբանումներ ստանալու նպատակով պահանջում է հանդիպում ՀՀ ոստիկանապետի պաշտոնակատարի հետ։
Ռուբեն Մելիքյանը 3 կետից բաղկացած օրակարգ է ներկայացրել, առաջարկելով իրավապաշտպաններին, այլ հանրային գործիչներին միանալ իր նախաձեռնությանը՝ ներկայացնելով սեփական օրակարգ կամ միանալով իր ներկայացրածին։
«Ուղղակի մի դետալ պետք է ավելացնեմ. ամեն մեկը պետք է իր տեղում պատասխանատվություն զգա։ Պետք չի հիմա բոլորը հղում անեն, որ դա վարչապետի ցանկությունը կամ քմահաճույքն էր։ Թող ամեն մեկը, հատկապես ուժային կառույցների բարձրաստիճան պաշտոնատար անձիք զգան պատասխանատվություն իրենց քայլերի համար։ Պատրաստ եմ միանալ այդ կոչերին, որոնք կնախաձեռնվեն պարզապես վերջ դնելու այն խայտառակ հետընթացին, որին հիմա ականատես ենք լինում», - ասաց Լարիսա Ալավերդյանը։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ